ە ا ە و ەلدەرىندە تىركەۋدە تۇرعان كولىك قۇرالدارى قازاقستاندا ۋاقىتشا 5 جىلعا ەسەپكە قويىلادى
«وسى جىلدىڭ 23- قاڭتارىنان باستاپ ەلىمىزگە 2022 -جىلدىڭ 1- قىركۇيەگىنە دەيىن اكەلىنگەن شەتەلدىك اۆتوموبيلدەردى زاڭداستىرۋدى جۇرگىزۋدە. 160 مىڭعا جۋىق كولىك قۇرالى تىركەلدى. 22- مامىردان باستاپ اۆتوموبيل- كونسترۋكتورلاردى تىركەۋ جالعاسىپ جاتىر. كوپتەگەن ازامات رەسەيدەن نەمەسە ەۋرازيالىق ەكونوميكالىق وداق ەلىندە ەسەپتە تۇرعان كولىكتەردى ەسەپتەن شىعارا الماۋىنا بايلانىستى سۇراقتار قويىپ جاتىر. بۇل ماسەلە دە زاڭدى شەشىمىن تاپتى. جاقىن ارادا وسى كولىكتەردى تىركەۋدى باستايمىز. اتالعان كولىكتەر ۋاقىتشا ەسەپكە قويىلادى»، - دەدى ول مينيسترلىكتىڭ باسپا ءسوز قىزمەتى الاڭىندا وتكەن بريفينگتە.
ونىڭ اتاپ وتۋىنشە، مۇنداي كولىكتى ەسەپكە قويۋ كەزىندە كولىك قۇرالىن تىركەۋ تۋرالى كۋالىك جانە قازاقستان رەسپۋبليكاسىنىڭ مەملەكەتتىك نومىرلىك بەلگىلەرى بەرىلەتىن بولادى. مەملەكەتتىك نومىرلىك بەلگى ءۇشىن 9 مىڭ تەڭگەدەن، كولىك قۇرالى قۇجاتى ءۇشىن 4300 تەڭگەدەن استام باج بولەنەدى. سونىمنەن قاتار 200000 تەڭگە مولشەرىندە باستاپقى تىركەۋ ءۇشىن الىم تولەيدى.
«ول كولىكتەر 5 جىلعا عانا ۋاقىتشا تىركەۋگە قويىلادى. ودان كەيىن ازاماتتار اتالعان كولىكتەردى قازاقستاندا تىركەۋ تۋرالى شەشىم قابىلداسا، وندا كولىكتى ە ا ە و ەلدەرىنەن ەسەپتەن شەشىپ، ەلىمىزدە تىركەيدى. كولىكتەردى تىركەۋ 1-شىلدەدەن ارى ۇزارتىلمايدى»، - دەدى التىنبەك جاماليەۆ.
