قازاق كۇرەسىنەن ءا چ: جارىستىڭ ەكىنشى كۇنى ەل سپورتشىلارى 5 «التىن» جەڭىپ الدى

بۇل تۋرالى قازاقپارات ءتىلشىسى «Qazaq kuresi» قاۋىمداستىعىنىڭ باسپا ءسوز قىزمەتىنە سىلتەمە جاساپ حابارلايدى.

جەڭىمپازدار التى سالماق دارەجەسىندە ونەر كورسەتتى. ولاردىڭ اراسىندا جەڭىس تۇعىرانان كورىنگەندەردىڭ تورتەۋى - ەرلەر بولسا، ەكى مەدالدى قورجىنعا ايەلدەر قۇراماسىنىڭ وكىلدەرى سالدى.

سايىستىڭ ەكىنشى كۇنى بەكحان تولەپوۆ (55 ك گ)، نۇر امانشۇقىروۆ (66 ك گ)، جۇماجان قوجامبەكوۆ (74 ك گ)، راۋزا نۇرماحامەتوۆا (55 ك گ) مەن زارينا زاريپوۆا (65 ك گ) تۇعىردىڭ جوعارى ساتىسىنا كوتەرىلدى. ال 60 كەلى سالماق دارەجەسىندە بوز كىلەمگە شىققان قازاقستاندىق پالۋان مارات نىعماتۋلايەۆ كۇمىس مەدال ەنشىلەدى.

ەسكە سالا كەتەيىك، چەمپيوناتقا الەمنىڭ 40 ەلىنەن 350 بالۋان قاتىسىپ جاتىر. جارىستىڭ العاشقى كۇنى ەل سپورتشىلارى 3 التىن مەدال جەڭىپ العان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى