الداعى 5 جىلدا بازالىق زەينەتاقى مولشەرى وسەدى
مينيستر زەينەتاقىمەن قامسىزداندىرۋ جۇيەسى تۋرالى ايتا كەلە، بۇل تۇرعىدا ازاماتتاردى 3 ساناتقا بولۋگە بولاتىنىن اتاپ ءوتتى.
«ءبىرىنشى اعا بۋىن - 1998 -جىلعى 1-قاڭتارعا دەيىن زەينەتكە شىققان، تولىق ەڭبەك ءوتىلى بار زەينەتكەرلەر. ولاردىڭ سانى 300 مىڭنان استام ادام. سونىمەن قاتار، ولار بازالىق جانە ەڭبەك زەينەتقىلارىن مەملەكەتتىك بيۋدجەتتەن الادى. باسىم كوپشىلىگىنىڭ زەينەتاقىسى 120 مىڭنان 160 مىڭ تەڭگەگە دەيىن. ەكىنشى ساناتى قازىرگى بۋىندى قامتىپ وتىر. زەينەت جاسىنا 1998 -جىلعى 1-قاڭتاردان كەيىن جەتكەن. 1998 -جىلعى 1-قاڭتارعا دەيىن ەڭبەك ءوتىلى بولعاندىقتان، ەڭبەك جانە بازالىق زەينەتاقىلارىن مەملەكەتتىك بيۋدجەتتەن الىپ وتىر. ءقازىر وسى توپتاعى زەينەتكەرلەر سانى 1,9 ميلليون- نان استى. ولاردىڭ سانى 2030 -جىلعا قاراي 2,6 ميلليونعا دەيىن جەتەدى دەپ مەجەلەپ وتىرمىز»، - دەدى ت. دۇيسەنوۆا.
ونىڭ ايتۋىنشا، ءۇشىنشى بۋىن - بولاشاق زەينەتكەرلەر. ولار زەينەتكە 2038 -جىلدان كەيىن شىعىپ، مەملەكەتتەن بازالىق زەينەتاقى، ب ج ز ق- دان جيناقتالعان زەينەتاقىسىن الاتىن بولادى.
«قازىرگى جانە بولاشاق زەينەتكەرلەردىڭ جاعدايى قيىنداۋ. بۇگىنگى زەينەتكەرلەر تولقىنى ءۇشىن الداعى 5 جىلدا بازالىق زەينەتاقى مولشەرى وسەدى، ال ىنتىماقتى زەينەتاقى مولشەرى ەڭ جوعارى تابىستىڭ كولەمى 46-دان 55 ا ە ك- كە دەيىن نەمەسە ورتا ايلىق جالاقىنىڭ %70 نا دەيىن جەتكىزۋ ارقىلى وسەدى. وزدەرىڭىز جاقىندا قولداعان بۇل قادامدار قازىرگى بۋىن زەينەتكەرلەرىنىڭ تولىق مەملەكەتتىك قولداۋدا بولاتىنى كورسەتەدى»، - دەدى مينيستر.
ونىڭ سوزىنە قاراعاندا، زەينەتاقىنى ءوز جيناقتارى ەسەبىنەن قالىپتاستىراتىن بولاشاق زەينەتكەرلەر ءۇشىن قوسىمشا جۇمىس بەرۋشىلەردىڭ زەينەتاقى جارناسى ەنگىزىلەدى.
«بۇل جارنا قولدانىستاعى زاڭدا كوزدەلگەن شارتتى- جيناقتاۋشى زەينەتاقى جۇيەسى ءۇشىن بازا قالىپتاستىرادى. وسى ورايدا بۇل توپتاعى ازاماتتار زەينەتكەرلىك جاسىنا جەتكەندە قازىرگى زەينەتكەرلەر سەكىلدى زەينەتاقىنىڭ 3 ءتۇرىن الاتىن بولادى. ياعني، مەملەكەت ەسەبىنەن - بازالىق زەينەتاقى، جۇمىس بەرۋشىلەر ەسەبىنەن - شارتتى- جيناقتاۋشى زەينەتاقى، ال ءوز جيناقتارى ەسەبىنەن - جيناقتاۋشى زەينەتاقى. بۇل ءىس- شارالار ازاماتتاردى بۇرىنعى تابىسىنا سايكەس زەينەتاقىمەن قامتاماسىز ەتەدى دەپ پايىمدايمىز»، - دەدى ۆەدومستۆو باسشىسى.
