قوستاناي وبلىسىندا 5 اۋىلدىڭ ماڭىندا ورمان ءورتى ءسوندىرىلىپ جاتىر

«5- قىركۇيەك تاڭعى ساعات 09:00-دەگى اقپارات بويىنشا ورمان اۋماعىنداعى 5 ۋچاسكەدە ءورت ءسوندىرۋ جۇمىستارى جۇرگىزىلىپ جاتىر. ولار - امانقاراعاي، لەسنوە، وزەرنوە، باعانالى جانە كالينينو اۋىلدارى. ءورت شارپىعان جەردىڭ جالپى كولەمى 5 شاقىرىم»، - دەلىنگەن اقپاراتتىق شتاب تاراتقان حابارلامادا.

«قازگيدرومەت» ر م ك مالىمەتى بويىنشا بۇگىن اۋليەكول اۋدانىنىڭ اۋماعىندا 31 گرادۋس شاماسىندا جوعارى تەمپەراتۋرا ساقتالادى.

جەلدىڭ جىلدامدىعى 7 م/س دەيىن جەتەدى.

اقپاراتتىق شتاب دەرەگىنشە، قازىرگى تاڭدا نوۆونەجين اۋىلىندا توتەنشە جاعدايلار مينيسترلىگى بولىمشەلەرىنىڭ كومەگىمەن زارداپ شەككەندەردى قابىلدايتىن شاتىرلار تىگىلگەن.

ءورتتى سوندىرۋگە 224 تەحنيكا مەن 7 اۋە كەمەسى جۇمىلدىرىلعان. سونداي- اق، جەكە قۇرامنىڭ 1893 ادامى قىزىل جالىندى اۋىزدىقتاۋ جۇمىسىن جۇرگىزىپ جاتىر.

بۇرىن حابارلاعانىمىزداي، قوستاناي وبلىسىنا قاراستى اۋليەكول اۋدانىنداعى ءورت سالدارىنان 98 ءۇي ورتەنىپ كەتكەن.

سونداي- اق، ءتىلسىز جاۋ 1936 -جىلى تۋعان ءبىر تۇرعىننىڭ ءومىرىن جالمادى. ال ءورت كەزىندە 10 ادام جاراقات الدى. ونىڭ تورتەۋى قازىر اۋرۋحانادا جاتىر.

اۆتور

ءاليحان اسقار

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى