العاشقى كەزدەسۋدەن-اق عاشىق ەكەنىن بىلدىرەتىن 5 بەلگى
كەزدەسۋدەن كەيىن (اسىرەسە ءبىرىنشى كەزدەسۋدەن كەيىن): «ءبارى ءبىز قالاعانداي ءوتتى مە؟»- دەپ ويلايمىز. ارينە، ءسىز بىرگە ۋاقىت وتكىزگەن ادام عانا %100 كەپىلدىكپەن جاۋاپ بەرە الادى، ءبىراق وتە ماڭىزدى نيۋانستارعا نازار اۋدارعان ءجون.
ءسىز بىرگە جوسپارلاعانىڭىزدان كوبىرەك ۋاقىت وتكىزدىڭىز
ارينە، ءبىرىنشى رەت كەزدەسەر الدىن ەشكىم ۇزاق ۋاقىت بويى سەرۋەندەۋدى نەمەسە كەشكى استى ۇزاق ءىشۋدى ويلامايسىز. ءسىزدى شىعارىپ سالعان كەزدە دە ءبىر شىنى كوفە نەمەسە شايدى سىلتاۋ رەتىندە پايدالانۋ ارقىلى ۇناتقان جىگىت قاسىڭىزدا كوبىرەك بولعىسى كەلەتىنىن جەتكىزەدى.
ەگەر بۇلاي بولماسا، دەمەك ەكەۋارا ۇيلەسىمىڭىز تومەن. سۇيىسپەنشىلىك سەزىمىنە بوي الدىرعان ادام، ەشكىم سويلەمنىڭ ورتاسىندا اڭگىمەنى ۇزگىسى كەلمەيتىنى سياقتى سىزبەن كوبىرەك ۋاقىت وتكىزۋ ءۇشىن بارلىق مۇمكىندىكتى پايدالانادى.
ەكەۋىڭىز كۇنى بويى تەك ءبىر-بىرىڭىزبەن حات الماساسىز
ءيا، قازىرگى الەمدە ءتىپتى بىرنەشە ساعاتتى بايلانىسسىز ەلەستەتۋ قيىن، دەگەنمەن، ەگەر ادام سىزبەن سويلەسۋگە بارىنشا قىزىعۋشىلىق تانىتسا، ول دوسىنا نەمەسە ارىپتەسىنە جاۋاپ بەرۋ ءۇشىن تەلەفونىنا الاڭداۋى ەكىتالاي. ەگەر ول سىزبەن بايلانىسپاي، الەۋمەتتىك جەلىگە ۋاقىتىم بولمادى دەسە، دەمەك سىزبەن اڭگىمەلەسۋ سونشالىقتى قىزىقتى بولماعان شىعار.
ەكەۋىڭىزگە عانا ورتاق ءازىل بار
ادەمى قالجىڭداي ءبىلۋ كەز كەلگەن قارىم-قاتىناستا وتە ماڭىزدى بايلانىس نۇكتەسى ەكەنىن ءبارى بىلەدى. كەم دەگەندە، ەگەر ءسىز ءبىرىنشى كەزدەسۋدە دە ءبىر-بىرىڭىزبەن وتە كوڭىلدى بولساڭىزدار، ەكەۋارا جايلىلىق اكەلەتىن بايلانىس ورناتقانسىز. ەزۋلەرىڭىز جيىلماسا، دەمەك عاشىقسىزدار.
ول ءسىزدىڭ اڭگىمەلەرىڭىزدى قىزىعا تىڭدادى
ءبىر-ءبىرىمىزدى جاقىنىراق تانۋ ءۇشىن كەيدە جالپى، كەيدە جان-جاقتى جاۋاپ بەرىپ، زەيىندى ارتتىرۋدى قاجەت ەتەتىن سۇراقتار قويامىز. ەگەر جاس جىگىت ءسىزدىڭ اڭگىمەڭىزدى امالسىزدا ەمەس، شىن مانىندە ءسىز ايتقان بارلىق نارسەگە بويلاۋعا تىرىسسا، وندا ءسىز ءبىرىنشى كەزدەسۋدەن كەيىن ونىڭ ۇناتقانىنا سەنىمدى بولا الاسىز.
كەزدەسۋدەن كەيىنگى بايلانىس
ەگەر ءسىز شىنىمەن بىرگە جاقسى ۋاقىت وتكىزسەڭىز، وندا ءسىز قوشتاسۋ كەزىندە عانا ەمەس، ودان كەيىن دە ادەمى سوزدەر ەستيسىز. ءيا، كەز كەلگەن ادام «راحمەت» دەپ ايتا الادى، ءبىراق ەگەر جىگىت ءبىراز ۋاقىتتان كەيىن سىزگە حات جازسا نەمەسە قوڭىراۋ شالسا جانە سىزبەن كەشتى وتكىزۋ قانشالىقتى جاعىمدى بولعانىن تاعى ءبىر رەت اتاپ وتسە، ونىڭ بۇل ءسوزدى شىن نيەتىمەن ايتاتىنىنا سەنىمدى بولىڭىز.
massaget.kz
