پەتروپاۆلدا سوتتالعان 5 ادامنىڭ اسقازانىنان ۇيالى تەلەفون تابىلدى

سقو بويىنشا ق ا ج د باسپا ءسوز قىزمەتىنىڭ مالىمەتىنشە، 20 - ناۋرىز كۇنى ە س-164/3 مەكەمەسىنىڭ قىزمەتكەرلەرى سوتتالعانداردى ءتىنتۋ بارىسىندا 5 جازاسىن وتەۋشىدەن 6 ۇيالى تەلەفون تاپتى.

ولار تىيىم سالىنعان بايلانىس قۇرالدارىن جۇتىپ، تۇرمەگە اسقازاندارىندا وتكىزبەك بولعان.

«بۇل سوتتالعاندار ءبىزدىڭ مەكەمەمىزگە جازا مەرزىمىن وتەۋ ءۇشىن باسقا وڭىرلەردەن كەلدى. ولاردى قابىلداۋ كەزىندە تۇزەۋ مەكەمەلەرىندە تىيىم سالىنعان زاتتاردى تابۋ ماقساتىندا تولىق ءتىنتۋ جانە جەكە زاتتارىنا تەكسەرۋ جۇرگىزىلدى. تىيىم سالىنعان زاتتاردى الىپ كىرۋگە جانە ساقتاۋعا ارەكەت جاساعانى ءۇشىن قىلمىستىق-اتقارۋ زاڭناماسىندا تارتىپتىك جاۋاپكەرشىلىك كوزدەلگەن»، - دەيدى س ق و بويىنشا ق ا ج د ە س-164/3 مەكەمەسىنىڭ باستىعى رۋستان احمەتجانوۆ.

تۇزەتۋ مەكەمەسىنىڭ قىزمەتكەرلەرى سوتتالعانداردىڭ زاڭسىز ارەكەتىن تولىق ءتىنتۋ كەزىندە مەتال دەتەكتوردىڭ كومەگىمەن انىقتادى.

5 سوتتالعاننىڭ اسقازانىنان كولەمى 6,5*2,5 س م بولاتىن «Nokia» ماركالى 5 ۇيالى تەلەفون، ءدال سونداي كولەمدى «Samsung Duos» ماركالى 1 ۇيالى تەلەفون، «Activ» ابونەنتىنىڭ 1 سيم-كارتاسى جانە «Altel» ابونەنتىنىڭ 2 سيم-كارتاسى بولعان.

مەكەمە قىزمەتكەرلەرى جەدەل-تەرگەۋ توبىن شاقىرىپ، اتالعان فاكتى اقپاراتتى ەسەپكە الۋ كىتابىندا تىركەلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى