تۇركىستان وبلىسىندا الماتىداعى تارتىپسىزدىككە قاتىسى بار 5 كۇدىكتى ۇستالدى

پوليتسەيلەر جەتىساي قالاسىندا جەدەل ءىس- شارالار جۇرگىزۋ بارىسىندا قوناقۇيدىڭ بىرىنەن الماتى مەن تۇركىستان وبلىستارىنىڭ ءۇش ەر ادامدى ۇستادى. ولاردىڭ ەكەۋى بۇرىن ۇرلىق ءۇشىن سوتتالعاندار. ءتارتىپ ساقشىلارى ولاردان 550000 تەڭگە اقشا، ەسىرتكى، ەرلەر مەن ايەلدەردىڭ برەند زاتتارىن تاركىلەدى.

سونداي- اق، تۇركىستان قالاسىنا كىرە بەرىستەگى ىنتىماق بلوك بەكەتىندە ەكى كۇدىكتى قولعا ءتۇستى. پوليتسەيلەر ولاردىڭ جۇكتەرىنەن Nikon جانە Canon فوتواپپاراتتارىنىڭ جيىنتىعىن، التىن اشەكەيلەر، Samsung ماركالى 2 جانە iPhone -12 ماركالى ءبىر تەلەفون، 1 نوۋتبۋك پەن ەكى جاڭا كروسسوۆكا تاركىلەدى. بەلگىلى بولعانداي، ولار 5- قاڭتار كۇنى جاپپاي تارتىپسىزدىك بارىسىندا الماتى قالاسىنداعى تولە بي كوشەسىندە ورنالاسقان «تەحنودوم» دۇكەنىنە كىرگەن. سودان كەيىن عيماراتتا تۇرعان ەر ادامدى ۇرىپ، تەحنيكا قۇرالدارىن، التىن مەن اياقكيىمدى الىپ كەتكەن.

كۇدىكتىلەر تۇركىستان وبلىسىنا قالاارالىق اۆتوبۋسپەن كەلگەن. تۇركىستان قالاسىنا كىرەبەرىستە كومەندانت ساعاتىن ەسكەرە وتىرىپ، جۇرگىزۋشىدەن توقتاۋدى سۇراعان جانە قاراڭعىنى پايدالانىپ، جاياۋ ءجۇرىپ وتپەكشى بولعان. بۇگىندە كۇدىكتى بەس ادامعا قاتىستى ق ر ق ك 191-بابى «توناۋ» بويىنشا سوتقا دەيىنگى تەرگەۋ امالدارى جۇرگىزىلۋدە. بارلىعى قاماۋعا الىندى. قازىرگى كەزدە تۇركىستان وبلىسىنىڭ تەرگەۋشىلەرى ولاردىڭ الماتى قالاسىندا قانداي ماقساتتا بولعانىن انىقتاۋدا.

اۆتور: قايرات زاينيشيەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى