الماتى وبلىسى: 5 ادام مەرت بولعان كولىك اپاتىندا امان قالعان بالاعا ارنايى ماماندار شاقىرتىلدى
ەستەرىڭىزگە سالا كەتسەك، كەشە شونجى-اقسۋ-ۇزىنتام تاسجولىندا قاراما-قارسى كەلە جاتقان ەكى كولىك سوعىلىپ، وتقا ورانعان بولاتىن. قايعىلى وقيعادا بەس ادام قايتىس بولىپ، ءبىر بالا عانا امان قالعان.
قازىرگى تاڭدا قىز بالانىڭ جاعدايى اۋىر. اياق-قولدارى سىنىپ، باس-مي جاراقاتىن العان. ءىش قۇرىلىسىنا قاتتى زاقىم كەلگەن. جەدەل وپەراتسيا جاسالىپ، بالانىڭ كوك باۋىرىن الىپ تاستاۋعا تۋرا كەلدى.
وبلىستىق اۋماقتىق بالالار اۋرۋحاناسىنان بىلىكتى دارىگەرلەر شاقىرتىلىپ، ناۋقاستى امان الىپ قالۋعا بارلىق جاعداي جاسالىپ جاتىر.
«نەيروحيرۋرگ، تراۆماتولوگ، رەانيماتولوگ دارىگەرلەر كەلىپ، بارلىعىنىڭ كومەگىنىڭ ناتيجەسىندە قازىر بالا ءتىرى. جاعدايى اۋىر بولسا دا تۇراقتى»، - دەدى ۇيعىر اۋداندىق اۋرۋحاناسى باس دارىگەرىنىڭ ورىنباسارى ءانۋار راشيدوۆ.
