نۇر-سۇلتاندا سىرعاناقتا ويناپ جۇرگەن 5 جاسار بالا ساۋساعىننان ايىرىلدى

سىرعاناق بولشەكتەلىپ، اۋلادان شىعارىلدى، دەپ حابارلايدى قازاقپارات.

«25-ءساۋىر كۇنى كەشكە 5 جاستاعى بالا اۋرۋحاناعا ءتۇستى. اناسىنىڭ ايتۋىنشا، بالا سىرعاناقتان ءتۇسۋ كەزىندە ساۋساعىن قىسىپ العان. سالدارىنان سول قولىنداعى شىلدىر شۇمەك ساۋساعىنىڭ ۇستىڭگى جاعىنا امپۋتاتسيا جاسالدى. تراۆماتولوگيالىق پۋنكت دەڭگەيىندە جارانى العاشقى حيرۋرگيالىق وڭدەۋ جۇرگىزىلدى، تۇقىل جاسالىپ، گيپس سالىندى. بالا امبۋلاتوريالىق ەمدەلۋگە جىبەرىلدى»، - دەپ جاۋاپ بەردى ەلوردالىق دەنساۋلىق ساقتاۋ باسقارماسى اگەنتتىك ساۋالىنا.

اتالعان وقيعا ەلوردانىڭ بايقوڭىر اۋدانىنداعى كەنشىلەر كوشەسى، 2 ءۇي مەكەن-جايىندا بولعان جانە اۋدان اكىمدىگى زارداپ شەككەن بالانىڭ وتباسىنا كومەك كورسەتكەن.

«بۇگىنگى تاڭدا «بايقوڭىر» اۋدانىنىڭ اكىمدىگى بالانىڭ وتباسىنا بارلىق قاجەتتى مەديتسينالىق جانە ماتەريالدىق كومەك كورسەتەدى. سونداي-اق، وقيعا ورنىنداعى سىرعاناق بولشەكتەلىپ، اۋماقتان شىعارىلدى. قازىر كۇننىڭ جىلۋىنا بايلانىستى بالالاردىڭ بارلىعى اۋلاعا شىعادى. سول سەبەپتى اتا-انالارعا بالالاردى قىراعى بولۋعا، بالالارعا قاۋىپسىزدىك ەرەجەلەرى تۋرالى ايتۋعا شاقىرامىز»، - دەپ حابارلادى بايقوڭىر اكىمدىگىنىڭ باسپا ءسوز قىزمەتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى