پارلامەنت سايلاۋىندا تەرگەۋ يزولياتورىنداعى 5 مىڭ ادام داۋىس بەرەدى

«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭعا سايكەس تەرگەۋ يزولياتورلارىندا ۇستالاتىن، ۇكىمى زاڭدى كۇشىنە ەنبەگەن ەلىمىز ازاماتتارى جالپىعا بىردەي سايلاۋ قۇقىعىنا يە. وسى رەتتە، قازىر تەرگەۋ-قاماۋىندا وتىرعان رەسپۋبليكانىڭ قىلمىستىق-اتقارۋ جۇيەسىنىڭ 16 تەرگەۋ يزولياتورىندا جابىق سايلاۋ ۋچاسكەلەرى قۇرىلدى.

«وندا 5 مىڭنان استام ادام قازاقستان رەسپۋبليكاسىنىڭ كەزەكتى پارلامەنتتىك سايلاۋىندا داۋىس بەرۋگە قاتىسىپ جاتىر. سايلاۋ پروتسەسى وتەتىن ورىنداردا ءتيىستى باقىلاۋ، كۇزەت جانە قاداعالاۋ قامتاماسىز ەتىلگەن. سايلاۋ پروتسەسىنە قاتىسۋشىلار بارلىق قاجەتتى سانيتاريالىق-ەپيدەمياعا قارسى تالاپتاردى ساقتاۋدا. بيىلعى 5- قاڭتارداعى جاعداي بويىنشا «قىزىل» جانە «سارى» ايماقتاردا بولعان وڭىرلەردە سايلاۋ كوميسسياسىنىڭ بارلىق مۇشەلەرى، ونىڭ ىشىندە بايقاۋشىلار الدىن الا پ ت ر- ادىسىمەن COVID-19-عا زەرتحانالىق تەكسەرۋدەن ءوتتى. سونىمەن قاتار، جابىق سايلاۋ ۋچاسكەلەرىنە كىرۋ تەرگەۋ يزولياتورلارىنىڭ قىزمەتىن رەگلامەنتتەيتىن نورماتيۆتىك قۇقىقتىق اكتىلەرگە جانە «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭىنا سايكەس جۇرگىزىلدى»، - دەدى ق ر ءى ءى م قىلمىستىق-اتقارۋ جۇيەسى كوميتەتىنەن.

ءمالىم ەتىلگەندەي، قازىرگى ۋاقىتتا رەسپۋبليكانىڭ تەرگەۋ يزولياتورلارىندا 5 مىڭنان استام ادام بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى