قازاق دارىگەرى بەلارۋس ەلىندە 5 ايلىق ءسابيدىڭ باۋىرىن اۋىستىرىپ بەردى
31 جاستاعى دارىگەر شىمكەنت قالاسىنداعى 1№ قالالىق كلينيكالىق اۋرۋحانانىڭ گيپاتوبيليارلى حيرۋرگيا جانە ترانسپلانتولوگيا بولىمىندە جۇمىس ىستەيدى. ءبىرىنشى ساناتتى حيرۋرگ-دارىگەر، ترانسپلانتولوگ.
الماتى قالاسىنداعى اسفەندياروۆ اتىنداعى مەديتسينا ۋنيۆەرسيتەتىندە ءبىلىم العان. كەيىننەن بەلارۋستىڭ مينسك قالاسىندا ترانسپلانتانت بويىنشا كلينيكالىق ورديناتۋرا ماماندىعى بويىنشا وقۋىن جالعاستىرادى.
شىمكەنت قالاسىنداعى قىزمەتى بارىسىندا ءۇش جىل ىشىندە 173 تۋىستىق ترانسپلاتاتسيالىق وتا جاساۋعا قاتىسقان. ونىڭ ىشىندە 150 بۇيرەك، 23 باۋىر وتاسى بار.
ىزدەنىمپاز مامان مۇنىمەن توقتاپ قالماي بىلىكتىلىگىن ارتتىرۋ ماقساتىندا مەملەكەتتىك باعدارلاما اياسىندا مينسك قالاسىنا كەتتى. وندا 5 ايلىق بۇلدىرشىنگە باۋىر ترانسپلاتاتسياسىن جاساپ، وتا ءساتتى اياقتالعان. بۇل جونىندە مينسك اقپارات كوزدەرى جارىسا جازدى.
راحىمجان ۇمبەتجانوۆ بەلارۋس ارىپتەستەرىنەن ورگاندى ترانسپلاتاتسياعا دايىندايتىن گەپاتوبيليارلى ءادىستى ۇيرەنگەنىن ايتادى.
الداعى ۋاقىتتا تاجىريبەسىن ءىس جۇزىندە شىڭداي وتىرا، ەلىمىزدىڭ مەديتسيناسىن الەمدىك دەڭگەيگە جەتكىزسەم دەگەن ارمانى بار.
