قورعانىس مينيسترلىگىنىڭ گەنەرال- مايورى 5 جىلعا سوتتالدى

سىبايلاس جەمقورلىققا قارسى ءىس-قيمىل اگەنتتىگىنىڭ Telegram-اككاۋنتىندا جاريالانعان اقپاراتقا سايكەس، گەنەرال-مايورعا قاتىستى قىلمىستىق ءىستى تەرگەۋ اياقتالدى.

«2019 -جىلدىڭ مامىر ايىندا كوپبايەۆتىڭ اقتوبە قالاسىنداعى «ت. بيگەلدينوۆ اتىنداعى اۋە قورعانىسى كۇشتەرىنىڭ اسكەري ينستيتۋتى» ر م م- عا وفيتسەرلىك لاۋازىمعا تاعايىنداعانى ءۇشىن 200 مىڭ تەڭگە سوماسىندا پارا العانى انىقتالدى. اقمولا گارنيزونى اسكەري سوتىنىڭ ۇكىمىمەن كوپبايەۆ مەملەكەتتىك قىزمەتتە ءومىر بويىنا لاۋازىم اتقارۋ قۇقىعىنان جانە 5 جىلعا باس بوستاندىعىنان ايىرىلدى»، - دەلىنگەن ۆەدومستۆو مالىمەتىندە.

سونىمەن بىرگە، سوت قازاقستان رەسپۋبليكاسى پرەزيدەنتىنىڭ اتىنا كوپبايەۆتى گەنەرال-مايور اسكەري اتاعىنان جانە «قۇرمەت» وردەنىنەن ايىرۋ تۋرالى ۇسىنىس ەنگىزگەن. قورعانىس مينيسترلىگىنىڭ گەنەرال- مايورى پارا الدى دەگەن كۇدىكپەن ۇستالعانىن سىبايلاس جەمقورلىققا قارسى ءىس- قيمىل اگەنتتىگى وسى جىلدىڭ 4-اقپانىندا جاريالاعان ەدى. كەيىننەن وعان قاتىستى 2 اي مەرزىمگە ءۇيقاماقتا ۇستاۋ بۇلتارتپاۋ شاراسى قولدانىلعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى