پەتروپاۆلعا 5 بلوكپوست قويىلدى
س ق و سانيتاريالىق- ەپيدەميولوگيالىق باقىلاۋ دەپارتامەنتى باسپا ءسوز قىزمەتىنىڭ مالىمەتىنشە، وڭىردە سىرقاتتانعانداردىڭ سانى كۇننەن- كۇنگە ارتىپ كەلەدى. تەك وتكەن اپتادا 42 ادام ك ۆ ي جۇقتىرعان. ونىڭ ىشىندە 30 جاعدايدا اۋرۋ بەلگىلەرى بولعان. اۋىرعانداردىڭ 19 ى پەتروپاۆل قالاسىنا جانە 8 ءى قىزىلجار اۋدانىنا تيەسىلى. قازىر پەتروپاۆل قالاسىنىڭ ماڭىندا 4 بلوكپوست جانە قىزىلجار اۋدانى بەسكول اۋىلىنا كىرەبەرىس - «جەزقازعان- پەتروپاۆل» تاس جولىنىڭ 935 ك م ءبىر بلوكپوست جۇمىس ىستەپ جاتىر.
«حالىق بۇل بلوكپوستتاردان پ ت ر تەستىنىڭ ناتيجەسىمەن عانا وتە الادى. ال قالاعا نەمەسە بەسكولگە كەلىپ- كەتىپ جۇمىس ىستەيتىندەردە قولدارىندا انىقتاما بولۋلارى كەرەك. سونداي- اق ازىق- تۇلىك جانە تاعى دا باسقا ءبىرىنشى كەزەكتەگى تاۋارلاردى تاسيتىنداردا وسىنداي قۇجات بولۋى قاجەت. وندا اتى- ءجونى جازىلادى، قاي مەكەمەنىڭ بەرگەنى جانە باسشىسىنىڭ قولى مەن ءمورى بولۋى كەرەك. ال جەدەل- جاردەم، ءورت ءسوندىرۋ سەكىلدى ارنايى قىزمەتتەردىڭ كولىگى كەدەرگىسىز ءجۇرىپ جاتىر»، - دەيدى س ق و پ د جەرگىلىكتى پوليتسيا قىزمەتى باسقارماسىنىڭ باستىعى ايدىن بايماتوۆ.
باسقارما باستىعىنىڭ ايتۋىنشا، ءبىر بلوكبەكەتتە 6 پوليتسيا قىزمەتكەرى كەزەكشىلىك ەتەدى. جالپى ءبىر تاۋلىكتە 60 ءتارتىپ ساقشىسى وسى 5 بلوكپوستقا جۇمىلدىرىلاتىن بولادى.
