اتىراۋ تۇرعىنىنان 5 كەلىدەن استام ەسىرتكى تاركىلەندى

وبلىستىق پوليتسيا دەپارتامەنتى ەسىرتكى قىلمىسىنا قارسى ءىس- قيمىل باسقارماسىنىڭ قىزمەتكەرلەرى «قاراسورا» جەدەل پروفيلاكتيكالىق ءىس- شاراسى كەزىندە 28 جاستاعى تۇرعىندى ۇستادى.

«ۇستالعان تۇرعىننىڭ ۇيىنەن ەكى پوليەتيەلەن قاپقا سالىنعان ەسىرتكى زاتتارى تاركىلەندى. ساراپتاما قورىتىندىسىمەن تاركىلەنگەن ەسىرتكىنىڭ جالپى سالماعى 5 كەلى 30 گرامدى قۇرادى. كۇدىكتىگە قاتىستى ق ر قىلمىستىق كودەكسىنىڭ 296-بابىمەن (ەسىرتكى، پسيحوتروپتىق زاتتارمەن، سول تەكتەستەرمەن وتكىزۋ ماقساتىنسىز زاڭسىز جۇمىس ىستەۋ) سوتقا دەيىنگى تەرگەۋ جۇرگىزىلۋدە»- دەپ حابارلادى دەپارتامەنتتىڭ باسپا ءسوز قىزمەتى.

اتىراۋ پوليتسەيلەرى 1-ماۋسىمدا باستالعان «قاراسورا» جەدەل ءىس- شاراسى كەزىندە زاڭسىز اينالىمنان 20 كەلىدەن استام ەسىرتكى زاتتارىن تاركىلەدى. ەسكە سالا كەتەلىك، بۇعان دەيىن اتىراۋدا قارۋدى زاڭسىز ساقتاپ، قاراسورا وسىرگەن تۇرعىن قامالعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى