قازاقستاننىڭ وڭتۇستىك وڭىرلەرىندە 5 گرادۋسقا دەيىن ۇسىك جۇرەدى
قازاقستان اۋماعىنىڭ باسىم بولىگى سيكلوننىڭ ىقپالىندا بولادى، وسىعان بايلانىستى جاۋىن- شاشىن (جاڭبىر، قار) جاۋادى. قالعان ايماقتاردا انتيتسيكلوننىڭ اسەرىنەن جاۋىن- شاشىنسىز اۋا رايى بولجانادى. رەسپۋبليكانىڭ كەي جەرلەرىندە تۇمان، جەلدىڭ كۇشەيۋى، كوكتايعاق كۇتىلەدى.
شىعىس قازاقستان، كۇندىز تۇركىستان، قىزىلوردا وبلىستارىنىڭ كەي جەرلەرىندە 15-20 م/س دەيىن جەلدىڭ كۇشەيۋى كۇتىلەدى. قوستاناي وبلىسىنىڭ كەي جەرلەرىندە تۇمان كۇتىلەدى، كۇندىز جەل 18 م/س كۇشەيەدى. قاراعاندى، وبلىسىنڭ كەي جەرلەرىندە تۇمان، كوكتايعاق بولىپ، جەل 15-20 م/س دەيىن كۇشەيەدى. اقمولا، پاۆلودار وبلىستارىنىڭ كەي جەرلەرىندە تۇمان، كوكتايعاق كۇتىلەدى.
جامبىل، الماتى، سولتۇستىك قازاقستان وبلىستارىنىڭ كەي جەرلەرىندە تۇمان تۇسەدى. الماتى، جامبىل، تۇركىستان وبلىستارىنىڭ كەي جەرلەرىندە تۇندە 1-5 گرادۋس ۇسىك كۇتىلەدى. تۇركىستان، قىزىلوردا وبلىستارىنىڭ باسىم بولىگىندە، جامبىل، اقتوبە، قاراعاندى وبلىستارىنىڭ كەي جەرلەرىندە توتەنشە ءورت قاۋپى ساقتالادى.
