الابوتا اۋىلىنىڭ 5-سىنىپ وقۋشىسى اۆسترياعا جولداما جەڭىپ الدى
س ق و ءبىلىم باسقارماسى باسپا ءسوز قىزمەتىنىڭ مالىمەتىنشە، «جانۋارلار - مەنىڭ دوستارىم» اتتى رەسپۋبليكالىق ەكولوگيالىق بايقاۋعا تايىنشا اۋدانى الابوتا ورتا مەكتەبىنىڭ 5-سىنىپ وقۋشىسى ەلدوس جانگەلدى دە ءوز سۋرەتىن جىبەرگەن. بالانىڭ ەڭبەگى جوعارى باعالانىپ، ءوز جاسىنداعىلار اراسىندا جۇلدەلى ءبىرىنشى ورىندى جەڭىپ الدى.
«بۇل سايىسقا سىنىپ جەتەكشىم ماعان قاتىس دەپ ۇسىنىس جاسادى. بىردەن قابىل الدىم. جانۋارلاردى جاقسى كورەم، ولار جايىندا ۇنەمى كىتاپتار وقيمىن. كونكۋرسقا دەيىن مەن پىلدەردى قالاي قولعا ۇيرەتەتىندىگى، ولاردى قالاي قينايتىندىعى تۋرالى وقىپ بىلگەن ەدىم. وسى كورىنىستى ەلەستەتىپ، قاعاز بەتىنە تۇسىرۋگە تىرىستىم. سۋرەت سالعاندا ولاردىڭ كورگەن ازابىن كوز الدىما ەلەستەتىپ ەدىم، كوزىمە جاس كەلدى. مەن سۋرەتىم ارقىلى بارلىق ادامداردى جانۋارلاردى قورعاۋعا، ايالاۋعا شاقىرامىن»، - دەيدى جەڭىمپاز ەلدوس جانگەلدى.
مامانداردىڭ ايتۋىنشا، بايقاۋعا 6 مەن 17 جاس ارالىعىنداعى بالالار قاتىستى. ولاردىڭ ەڭبەكتەرى 4 جاس ساناتى بويىنشا باعالاندى. ۇزدىكتەر باعالى سىيلىقتارمەن ماراپاتتالدى. ەندى جەڭىمپازدار، سونىڭ ىشىندە ەلدوس تا بار، ەپيدەميولوگيالىق احۋال جاقسارعاننان كەيىن اۆسترياعا جول تارتپاق. ۆەنا قالاسىندا وتەتىن كورمەدەن بالالار ءوز سۋرەتتەرىن دە تاماشالاي الادى.
