الماتى وبلىسىندا كەگەن، تالعار اۋداندارىنىڭ 5 تۇرعىنىنان كوروناۆيرۋس انىقتالدى

ىندەتتى جۇقتىرعان 3 ادام كەگەن، 2 ەۋى - تالعار اۋداندارىنىڭ تۇرعىندارى - دەپ حابارلايدى قازاقپارات ءتىلشىسى.

الماتى وبلىسى اكىمىنىڭ باسپا ءسوز قىزمەتىنىڭ مالىمەتىنشە، 1960، 1965، 1971، 1977، 2008 -جىلى تۋعان 5 پاتسيەنتتىڭ 4 ەۋى بۇرىن اۋىرعاندارمەن بايلانىستا بولعان. 1 ىنەن ىندەت پروفيلاكتيكالىق تەكسەرىلۋ بارىسىندا انىقتالدى. پ ت س ر- تالداۋى كەزىندە پاتسيەنتتەردىڭ COVID-19 دياگنوزى راستالدى.

ناۋقاستار سىرقاتتارى راستالعانعا دەيىن وقشاۋلاندىرىلعان بولاتىن. قازىرگى كەزدە ەڭبەكشىقازاق اۋدانى شەلەك اۋىلىنداعى اۋداندىق اۋرۋحانانىڭ ينفەكتسيالىق بولىمىنە اۋىستىرىلدى.

ولارمەن 4 ادامنىڭ قارىم-قاتىناستا بولعانى انىقتالىپ، ك ۆ ي- گە زەرتحانالىق تەكسەرۋ جۇرگىزۋ ءۇشىن وقشاۋلاندىرىلدى.

ەپيدەميولوگيالىق زەرتتەۋلەر جالعاسادى. جالپى 16 مامىرداعى جاعداي بويىنشا الماتى وبلىسىندا كوروناۆيرۋس جۇقتىرعاندار سانى 206 بولدى. ونىڭ 126 ىندەتتەن جازىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى