تاقتان باس تارتقان 5 كورول مۇراگەرى

گارري مەن مەگان قارجى تاۋەلسىزدىگىن الىپ، قاراپايىم وتباسى ءومىر سالتىن ۇستانۋ ءۇشىن جۇمىس ىستەگىسى كەلەدى. وسى جاعدايعا بايلانىستى ءوز تيتۋلدارىنان باس تارتقان كورول وتباسى مۇشەلەرىن ەسكە الۋدى ءجون كوردىك.

ەدۋارد VIII  ۇلى بريتانيا، 1938 -جىل

 رومانتيكانى جاقسى كورەتىن ادامدارعا ادەمى بولىپ كورىنەتىن وقيعا ءوز ۋاقىتىندا  ۇلى بريتانيا باسشىلىعىن قاتتى تاڭعالدىردى. ەليزاۆەتا II حانشايىمنىڭ اعاسى ەدۋارد VIII تاقتىڭ زاڭدى مۇراگەرى بولا تۇرا ءوز وكىلەتتىگىنەن باس تارتتى. بۇل -  بريتان مونارحياسىندا ورىن العان تۇڭعىش جاعداي. ول مۇنداي ارەكەتكە ماحاببات ءۇشىن باردى. 1936 -جىلى ەدۋاردتىڭ اكەسى قايتىس بولعان كەزدە ۋولليس سيمپسونمەن 6 جىل بويى كەزدەسىپ جۇرگەن. ال سيمپسون ەدۋاردقا دەيىن نەكەدە بولعان. بۇل تاق مۇراگەرىنە قايشى سيتۋاتسيا ەدى. حانزاداعا تاڭداۋ جاساۋ كەرەك بولدى: تاققا وتىرۋ نەمەسە ۋولليس سيمپسونمەن بىرگە بولۋ. «كورول مىندەتتەرىن ءوزىم سۇيەتىن ايەلدىڭ قولداۋىنسىز جانە كومەگىنسىز اتقارا المايمىن دەپ شەشتىم»، -  دەدى ەدۋارد VIII.

فريزو ورانسكو- ناسساۋسكي حانزادا نيدەرلاندى، 2003 -جىل

نيدەرلاندى حانشايىمى بەاتريكستىڭ ۇلى باقىتتى وتباسى بولۋدى تاڭداپ، ءوز وكىلەتتىگىنەن باس تارتتى. فريزو حانزادا كونسالتينگپەن (اقىل- كەڭەس بەرۋ) اينالىستى جانە ۇزاق ۋاقىت لوندوننىڭ ءىرى بانكىنىڭ ۆيتسە- پرەزيدەنتى بولدى. ونىڭ سۇيىكتىسى مەيبل ۆيسسە- سميتتى بۇرىن جەرگىلىكتى اتاقتى قىلمىسكەرمەن بايلانىسى بولعانى ءۇشىن كورول وتباسىنىڭ مۇشەسى بولۋعا لايىقسىز دەپ سانادى. تاق مۇراگەرى سۇيىكتىسى ءۇشىن ءوز وكىلەتتىگىنەن باس تارتۋعا شەشىم قابىلدادى.

حانزادا لۋي ليۋكسەمبۋرگ ليۋكسەمبۋرگ، 2006 -جىل

2006 -جىلى لۋي حانزادا كوسوۆوعا رەسمي ساپارعا بارعاندا ءوز ماحابباتىن جولىقتىرادى. ول ليۋكسەمبۋرگ ارمياسىنداعى جالعىز سەرجانت ايەل تەسسي انتوني بولدى. ءبىراق تەسسي قاراپايىم وتباسىدا دۇنيەگە كەلگەن، پروتوكول بويىنشا بۇل نەكە مۇمكىن ەمەس ەدى. لۋي كوپ ويلانباستان ءوزىنىڭ كورولدىك مىندەتتەرىنەن باس تارتتى.

 ماكو حانشايىم ياپونيا، 2017 -جىل

جاپونيا يمپەراتورىنىڭ نەمەرەسى ماكو حانشايىم 2017 -جىلى ءوزىنىڭ توپتاسىنىڭ كۇيەۋگە شىعۋ تۋرالى ۇسىنىسىن قابىلدادى. ولار توكيوداعى حالىقارالىق حريستيان ۋنيۆەرسيتەتىندە بىرگە وقىعان. جوعارىدا ايتىلعان لۋي حانزادا وتباسىمەن جاقسى قارىم- قاتىناستا قالسا، ماكو تۋعاندارىمەن بايلانىسىن ءۇزىپ، يمپەراتور سارايىنان كەتۋگە ءماجبۇر بولدى.

شۆەتسيا كورولى كارل XVI گۋستاۆتىڭ نەمەرەلەرى شۆەتسيا، 2019 –جىل

 2019 -جىلدىڭ قازانىندا شۆەتسيا كورول وتباسى باسشىلىقپەن كەلىسە وتىرىپ، قازىرگى كورول كارل XVI گۋستاۆتىڭ بەس نەمەرەسىن تاقتان الىپ تاستاۋ جايلى شەشىم قابىلدادى. ايتپەسە، تاققا كەزەككە 10 ادام تۇراتىن ەدى. ەندى بۇرىنعى مۇراگەرلەرگە ەركىندىك بەرىلدى. مىسالى، ولار كەز كەلگەن ءبىلىم الا الادى نەمەسە بيزنەسپەن اينالىسا الادى.

Massaget.kz 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى