ەلوردا اكىمى قالانىڭ 5 مەكتەبىنىڭ جاڭا وقۋ جىلىنا دايىندىعىن تەكسەردى

اكىم تەكسەرگەن وقۋ ورىندارىندا جوندەۋ جانە مەكتەپ اۋماعىن اباتتاندىرۋ جۇمىستارى اياقتالدى. وسىلايشا، №10 مەكتەپ-ليتسەيىندە ەرەكشە جاعدايدى قاجەت ەتەتىن باللارعا ارنالىپ، دىبىس جازاتىن ستۋديا اشىلدى.

وندا ۇستازدار ارنايى قۇرىلعىلار مەن اۋديوماتەريالداردىڭ كومەگىمەن مەكتەپ ساباقتارىن تۇسىندىرەتىن بولادى. بۇل مەكتەپتە 300 مەكتەپ وقۋشىسى ينكليۋزيۆتى ءبىلىم بەرۋمەن قامتاماسىز ەتىلگەن. №61 -ورتا مەكتەپتە وقۋ ورنىن ورتالىقتاندىرىلعان جىلۋ جۇيەسىنە قوسۋ جۇمىستارى ءجۇرىپ جاتىر.

ەلوردا اكىمى التاي كولگىنوۆ بارلىق وقۋ ورىندارى جاڭا وقۋ جىلىنا دايىن بولۋ قاجەتتىگىن ەسكەرتتى. بارلىعى ەلوردانىڭ 8 وقۋ ورنىندا كۇردەلى جوندەۋ جۇمىستارى جۇرگىزىلىپ، 26 مەكتەپتە اعىمداعى جوندەۋ جۇرگىزىلدى. كەلەسى جىلى كۇردەلى جوندەۋ 14 وقۋ ورنىندا جۇرگىزىلەتىن بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى