ايەل ادامدارعا پايدالى 5 ازىق- تۇلىك

كۇتىمدى كەلبەت پەن قۋاتتىلىعىڭىزدى ساقتاۋ ءۇشىن كۇندەلىكتى اس ۇلەسىنىڭ بىرنەشە ەرەجەسىن ساقتاۋ كەرەك. ايەلگە جىلدار بويى ادەمى ءارى ساۋ بولۋعا كومەكتەسەتىن 5 تاعامدى ۇسىنامىز.

 1. ءسۇتتى تاعامدار ىرىمشىك پەن يوگۋرتتار - تابيعي سۇلۋلىعىمەن جانە سىمباتتىلىعىمەن تانىلعان فرانتسۋز ايەلدەردىڭ اس ۇلەسىنىڭ نەگىزى. بارلىق ءسۇتتى تاعامداردىڭ باستى ميكروەلەمەنتى - كالتسي. ول ءتىس، شاش جانە تىرناق ساۋلىعىن ساقتاپ تۇرادى. سونىمەن قاتار، كالتسي سۇيەكتەردى قاتايتادى، ياعني، ول جەتىسپەسە، ارقا مەن بۇلشىقەتتەر ماسەلەلەرى تۋىندايدى. سونىڭ سالدارىنان ومىرتقا قيسايادى.

 2. قىزىل بالىق بالىقتىڭ مايلى سۇرىپتارىندا ايەل دەنساۋلىعىنا وتە قاجەتتى ومەگا-3 قىشقىلدارى بولادى. ومەگا-3 تەرى سوزىلعىشتىعىنا جانە تىعىزدىعىنا جاۋاپتى. ول تەرى مەمبراناسىن زاقىمدانۋدان قورعايدى. ەگەر مازىرىڭىزگە قىزىل بالىقتى قوسساڭىز، ەرتە پايدا بولاتىن اجىمدەردىڭ الدىن الاسىز. ديەتولوگتار اقسەركە (سەمگا) ، البىرت (لوسوس) جانە قۇنىسبالىق (گوربۋشا) سەكىلدى بالىق تۇرلەرىن اپتاسىنا از دەگەندە 2 رەت جەۋدى ۇسىنادى.

 3. س دارۋمەنىنە باي ونىمدەر كيۆي، تسيترۋستى جەمىستەر، مۇكجيدەك جانە بولگار بۇرىشى - ايەل سۇلۋلىعىنا ارنالعان باستى ونىمدەر. ولار تەرى ساۋلىعى مەن سوزىلعىشتىعىنا جاۋاپ بەرەتىن س دارۋمەنىنە باي. سونىمەن قاتار، س دارۋمەنى يممۋندى جانە جۇيكە جۇيەسى جۇمىسىنا قاتىسادى، ياعني، ول اعزانىڭ قورعانىش فۋنكتسياسىن قورعايدى.

 4. بروككولي عالىمداردىڭ ايتۋىنشا، قۇرامىنداعى ۆ توبى دارۋمەندەرىنىڭ كوپ مولشەرىنىڭ ارقاسىندا بروككولي جۇيكە جۇيەسىنە جاعىمدى اسەر بەرەدى. ول اعزاداعى زياندى باكتەريالاردىڭ كوبەيۋىنە جول بەرمەيدى. بۇل كوكونىستى ۋاقىتىلى جەۋ بارلىق اعزا قىزمەتىن جاقسارتادى جانە ونىڭ جاستىعىن ۇزارتادى. ايەلدەر بروككوليدى اپتاسىنا 2 رەتتەن كەم جەمەگەنى دۇرىس.

 5. اشى شوكولاد شوكولاد - نازىك جاندىلاردىڭ سۇيىكتى تاعامى. الايدا، بارلىق شوكولاد بىردەي دەنساۋلىققا پايدالى ەمەس. اشى شوكولادتىڭ قۇرامىندا ماگنيي، مارگانەتس، مىس، مىرىش جانە فوسفور بار. بۇل مينەرالداردىڭ بارلىعى سۇيەك ۇلپاسىن قاتايتۋعا جاۋاپ بەرەدى، سونىمەن قاتار گورموندى فوندى قالپىنا كەلتىرۋگە كومەكتەسەدى. ءبىراق، اشى شوكولادتىڭ ءوزىن كۇنىنە 25 گ ر- نان ارتىق جەمەگەن ءجون.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى