قورىلداۋدىڭ 5 زيانى

قورىلداۋدىڭ زيانى قازىر بىلىنبەۋى مۇمكىن. دەگەنمەن، ونىڭ سالدارى ۋاقىت وتە كەلە بىلىنە باستايدى. ول ءۇشىن قاتەردىڭ الدىن الۋ كەرەك. ولاي بولسا، قورىلداۋدىڭ ادام اعزاسىنا تيگىزەر اسەرى تۋرالى بىلە جۇرىڭىزدەر.

باسىڭىز اۋىرادى

قورىلداۋدىڭ اسەرىنەن باستىڭ اۋىرۋى جيىلەي تۇسەدى. ۇيقى كەزىندە دۇرىس تىنىس الماساڭىز، وتتەگىنى جۇتىپ، كومىرقىشقىل گازىن ءبولىپ شىعارۋ قيىنعا سوعادى. سونىڭ سالدارىنان ميداعى قان تامىرلارى قىسىلىپ، باس اۋرۋى پايدا بولادى. قورىلداۋدى تىيىپ، دۇرىس تىنىس الۋ ءۇشىن ستوماتولوگ، وتولارينگولوگ سەكىلدى ماماندارمەن كەڭەسىپ، اقىل سۇراڭىز. ۇيىقتار الدىندا بۇيىرىڭىزگە جاستىق قويىپ جاتساڭىز، قورىلداۋدى وزدىگىڭىزدەن تىيۋىڭىز مۇمكىن.

ينسۋلتكە شالدىعۋىڭىز مۇمكىن

قىتاي عالىمدارى قورىلدايتىن ادامداردىڭ اعزاسىندا ينسۋلتتىڭ 26 پايىزعا ارتاتىنىن انىقتاعان. قورىلداۋدىڭ اسەرىنەن كۇرەتامىردا تۇيىندەر پايدا بولادى. بۇل ينسۋلتكە اكەپ سوقتىرادى. زەرتتەۋلەرگە سۇيەنسەك، كوبىنە تولىق ادامدار قورىلدايدى ەكەن. دەمەك، ينسۋلتكە تولىق ادامدار كوپ شالدىعادى.

ەستە ساقتاۋ قابىلەتىڭىز تومەندەيدى

قورىلداعان ادامنىڭ ەستە ساقتاۋ قابىلەتى قورىلدامايتىندارعا قاراعاندا 10 جىلعا ازايادى. تىنىس الۋدىڭ بۇزىلۋىنىڭ اسەرىنەن مي جۇلىنىنداعى سۇيىقتىق كولەمى ارتادى. قان اينالىمىن رەتتەيتىن جانە ميدىڭ قىزمەتىن قاداعالايتىن سۇيىقتىق اقپاراتتى ميعا جەتكىزەدى. سوندىقتان ونىڭ ءوز مولشەرىنەن ارتۋى دەنساۋلىققا كەرى اسەرىن تيگىزەدى. ەگەر دەر كەزىندە قورىلداۋدى تىيىپ، ەمدەلەتىن بولساڭىز، مۇنىڭ دا ءوز قالپىنا كەلەتىنى ءسوزسىز.

جۇرەككە دە زيانى بار

جاس ۇلعايعان سايىن قورىلداۋ تىيىلماسا، ادام جۇرەك اۋرۋىنا شالدىعادى. ۇنەمى شارشاپ جۇرەتىن ادامدار بۇعان قالاي كەزىككەنىن اڭعارماي دا قالادى. نەگىزىنەن ادام شالقاسىنان جاتسا قاتتى قورىلدايدى. قورىلداعان ادامدى وڭ جاق بۇيىرىمەن جاتقىزۋ كەرەك، سول جاق بۇيىرىمەن جاتقىزۋعا بولمايدى. سەبەبى، دۇرىس تىنىس الا المايتىن ادامنىڭ جۇرەگىنە سالماق تۇسسە، ءىس ناسىرعا شابادى.

كۇيزەلىسكە شالدىعاسىز

قورىلدايتىن ادامداردىڭ 50 پايىزى كۇيزەلىسكە ۇشىراعان جاندار. اۋستراليالىق عالىمداردىڭ ايتۋىنشا، قورىل كۇيزەلىسكە، كۇيزەلىس قورىلعا اكەلەدى. ياعني، ادامدا ءبىرىنشى قورىل پايدا بولسا، كۇيزەلىسكە ۇشىرايدى. ەگەر الدىمەن كۇيزەلىستەن شارشاپ جۇرسە، ءتۇن ۇيقىسىن قورىلمەن وتكىزەدى. عالىمدار مۇنىڭ الدىن الۋ ءۇشىن اپتانىڭ ءۇش ساعاتىن جاتتىعۋ زالىندا وتكىزۋ كەرەك ەكەندىگىن ايتتى. بۇل كۇيزەلىستى 19 پايىزعا تومەندەتەدى.

بۇل جاعدايلار ءبىر كەزدەرى الدىمىزدان شىعۋى مۇمكىن. اعزامىزدى دەرتتەن قورعاپ، ءوز- ءوزىمىزدى شىڭداپ جۇرسەك، ادەمى قارتاياتىنىمىز بەلگىلى. سوندىقتان دا دەنساۋلىعىمىزعا ءوزىمىز قيانات جاسامايىق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى