قازاقستاندا اۋىر قىلمىس جاساعان 5 مىڭ ادام تۇرمەدەن بوساتىلماق
13 جىلعا سوتتالعان كاسىپكەر جازاسىن ءۇش جىلدىڭ ىشىندە وتەپ تاستادى. بۇل ەلىمىزدەگى قىلمىستىق ساياساتتى ىزگىلەندىرۋدىڭ ءبىر كورىنىسى دەپ حابارلايدى 31- ارنا.
ەلىمىزدىڭ باس پروكۋرورى قايرات قوجامجاروۆ قازاقستاندا اۋىر قىلمىس جاساعان 5 مىڭ ادامنىڭ تۇرمەدەن بوساتىلاتىنى تۋرالى ايتقان بولاتىن. الايدا بۇل امنيستيا ەمەس. قىلمىسىن وتەۋشىلەردىڭ جازاسى جاۋاپكەرشىلىككە تارتۋ مەرزىمىنە كوپ ۋاقىت بولعاندىقتان، تەك 5 جىلعا قىسقارادى.
قىلمىستىق ساياساتتى ىزگىلەندىرۋ ماقساتىندا قولدانىسقا بەرىلىپ وتىرعان ءتيىستى زاڭعا نۇرسۇلتان نازاربايەۆ قول قويعان.
اسا اۋىر قىلمىس جاساعان قىلمىسكەرلەر ساناتىنا زورلاۋ، ۇرلىق، توناۋ، دەنساۋلىققا قاساقانا زيان تيگىزۋ جانە ت. ب. قىلمىستاردى جاساعاندار كىرەدى. الايدا جازاسى جەڭىلدەيتىندەردىڭ سوتتالۋ مەرزىمى 12 جىلدان اسپاۋى ءتيىس.
