گولوۆكينمەن 5- مامىردا كىم جۇدىرىقتاسۋى مۇمكىن؟
ESPN ينسايدەرى دەن رافاەلگە سىلتەمە جاساعان vRINGe.com سايتىنىڭ مالىمەتتەرى بويىنشا، گولوۆكينمەن مەكسيكالىق 21 جاستاعى حايمە مۋنگۋيا جۇدىرىقتاسۋى مۇمكىن، دەپ حابارلادى Vesti.kz.
الۆارەس 17- جانە 20- اقپاندا تاپسىرىلعان دوپينگ-تەستتەن وتە المادى جانە كەشە ونىڭ ىسىنە قاتىستى شەشىمدى 18- ساۋىردە نيەۆادا شتاتىنىڭ اتلەتيكالىق كوميسسياسىنىڭ شىعاراتىنى بەلگىلى بولدى، بۇل شەشىم ارقىلى ريەۆانشتىڭ وتەتىنى نە وتپەيتىنى انىقتالادى.
جەكپە-جەكتىڭ بەلگىلەنگەن ۋاقىتىنىڭ تاياپ قالعانىن ەسكەرگەن گولوۆكيننىڭ كومانداسى باسقا قارسىلاستى ىزدەستىرىپ جاتىر. ءدال قازىر مۋنگۋيا تۋرالى ايتاتىن ەشنارسە جوق، ول ورتا سالماقتاعىلارمەن جانە دجورنيمەندەرمەن جۇدىرىقتاسقان، وتانى مەكسيكادان تىس ءبىر رەت قانا جەكپە-جەك وتكىزگەن.
ايتا كەتەيىك، قازاقستاندىق بوكسشىنىڭ كومانداسى حايمەدەن باسقا گەري و'سالليۆاننىڭ كانديداتۋراسىن دا قاراستىرىپ جاتىر. بۇلارعا قاراعاندا رەيتينگىلەرى الدەقايدا جوعارى دەمەتريۋس اندرادە مەن سەرگەي دەريەۆيانچەنكو 5- مامىردا گولوۆكينمەن جۇدىرىقتاسۋعا نيەتتى ەكەندەرىن جەتكىزدى.
