كىشكەنتاي توميريستىڭ رولىنە ەكى كۇندە 5 مىڭنان استام ءوتىنىم تۇسكەن

بۇل تۋرالى تاريحي دراما رەجيسسەرى اقان ساتايەۆ ءوزىنىڭ Instagram پاراقشاسىندا جازدى، دەپ حابارلايدى قازاقپارات.

«ءبىزدىڭ دەپارتامەنت ەكى كۇن ىشىندە بەس مىڭنان استام حات پەن ءتوميريستىڭ بالالىق شاعىن سومداۋعا ۇمىتكەرلەردىڭ فوتوسۋرەتتەرى كەلىپ ءتۇستى. ولاردىڭ اراسىندا ءوزىمنىڭ دە تۋىستارىم، جاقىندارىم، تانىستارىم مەن دوستارىم بار. ءبىر عانا ايتارىم، ءرولدىڭ بەكىتىلۋى جوبا جەتەكشىلىگىمەن بىرلەسىپ، ءادىل تۇردە جۇرگىزىلەدى. ىرىكتەۋ ناتيجەسىن مىندەتتى تۇردە جاريالايمىز. تۇسىنىستىك تانىتىپ، قولداۋ بىلدىرگەندەرىڭىزگە كوپ راحمەت»، - دەپ جازدى رەجيسسەر.

ەسكە سالا كەتسەك، وتكەن اپتادا «توميريس» تاريحي فيلمىندە باس كەيىپكەردى سومدايتىن اكتريسانىڭ ەسىمى انىقتالدى. باستى رولگە 28 جاستاعى پسيحولوگ كوۋچ ءالميرا تۇرسىن بەكىتىلدى.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى