نۇرسۇلتان نازاربايەۆ: كونتەينەرلىك تاسىمالداۋلار ارقىلى جىلىنا 5 ميلليارد دوللار تابىس تابۋعا بولادى

 دەپ حابارلايدى قازاقپارات ءتىلشىسى.

«وزدەرىڭىز بىلەتىندەي، قازاقستاننىڭ جەر اۋماعى 2,7 ميلليون شارشى شاقىرىم جانە الەمدە 9-ورىندا تۇر. ءبىراق، ءبىزدىڭ تەڭىزگە شىعار جولىمىز جوق. نەگە تەڭىز؟ سەبەبى، كەمە ازىرگە ەڭ ارزان كولىك ءتۇرى بولىپ وتىر، كەمەمەن تاسىمالدانعان تاۋار باسەكەگە قابىلەتتى بولادى. ايتسە دە، ءبىز دە قولدا بار مۇمكىندىگىمىزدى پايدالانۋىمىز كەرەك»، - دەدى ەلباسى جۋرناليستەرگە بەرگەن سۇحباتىندا.

سوندىقتان كولىكتىك كوممۋنيكاتسيالار، تەمىر جول مەن اۆتوكولىك جولدارى جانە اۆياتسيا بايلانىسى قازاقستان ءۇشىن اسا ماڭىزدى.

«ق ح ر ءتوراعاسى شي جينپيڭنىڭ استانادا، نازاربايەۆ ۋنيۆەرسيتەتىندە جاريالاعان باستاماسىن تولىققاندى قولدايمىز. قازىر بۇل باعدارلاماعا 65 مەملەكەت قوسىلدى جانە ءبىز وعان «نۇرلى جول» باعدارلاماسىن قوستىق جانە جۇمىس ىستەپ جاتىرمىز»، - دەدى نازاربايەۆ.

قازاقستان ارقىلى وتەتىن باتىس ەۋروپا- باتىس قىتاي جولىنىڭ 2700 شاقىرىمى سالىندى. 2010 -جىلدان بەرى 5 مىڭ شاقىرىم اۆتوكولىك جولى سالىندى جانە وسى بەسجىلدىقتا تاعى 4,4 مىڭ شاقىرىم اۆتوكولىك جولىن سالامىز. سوندىقتان استانادان باستاپ، ەلىمىزدىڭ شەتكى نۇكتەلەرىنە دەيىن تەمىر جول جانە اۆتوكولىك جولدارى تارتىلاتىن بولادى. ءبىز  ق ح ر شەكاراسىنان كاسپي تەڭىزىنە دەيىن تەمىر جول سالدىق، سەبەبى ءبىز تىنىق مۇحيتىنداعى ليانيۋنگان پورتىن پايدالانۋعا الدىق. ولار قازاقستان مەن رەسەي ارقىلى ەۋروپاعا كونتەينەر تاسىمالداۋعا مۇددەلى بولدى»، - دەدى نازاربايەۆ.

مەملەكەت باسشىسىنىڭ پىكىرىنشە، كونتەينەرلىك تاسىمالداۋ ارقىلى ەسەلەپ تابىس تابۋعا بولادى.

«قازاقستان ارقىلى كونتەينەرلىك تاسىمالداۋلار جىلدان- جىلعا ارتىپ كەلەدى. قازاقستان ارقىلى وسىنداي كونتەينەرلەردى ميلليونداپ تاسىپ، جىلىنا 5 ميلليارد دوللارعا دەيىن تابىس تابۋعا بولادى. ياعني ينفراقۇرىلىمعا جۇمساعان شىعىندارىمىز ەسەلەپ قايتادى. ەندى قازاقستان ارقىلى تىنىق مۇحيتىنان ەۋروپاعا، يران مەن پارسى شىعاناعىنا جەتۋگە بولادى»، - دەدى نازاربايەۆ.

ق ر پرەزيدەنتى قازاقستان بولاشاعى مەن ەكونوميكاسى ءۇشىن مۇنداي ينفراقۇرىلىمدىق جوبالاردىڭ ماڭىزى زور ەكەنىن باسا ايتتى.

«ءبىر اي بۇرىن باكۋدە تۇركيادان گرۋزياعا جانە باكۋدەن قازاقستانعا باراتىن كارس- احالكالاكي جولى اشىلدى. بۇل جولدىڭ سالىناتىنىن ءبىلىپ، جۇكتەر مەن ۆاگونداردى قابىلدايتىن قۇرىق پورتىن تۇرعىزدىق. پارومدىق، اۆتوكولىك جانە تەمىر جول وتكەلدەرى ارقىلى - ياعني، ازەربايجان، گرۋزيا، تۇركياداعى بوسفور استىنداعى تەمىر جول تۋننەلى ارقىلى جان- جاقتان ەۋروپاعا جەتە الاتىن بولدىق. مۇنىڭ بارلىعى قازاقستان ءۇشىن ماڭىزدى، بىزگە مۇنداي جولدار اۋاداي قاجەت. ءوز تاۋارىمىزدى سىرتقا شىعارىپ، باسەكەگە قابىلەتتى ەتۋىمىز كەرەك. سول سەبەپتى ينفراقۇرىلىمدىق جوبالار مەن جىبەك جولىنا تەڭ مۇشە بولۋ - ەلىمىزدىڭ بولاشاعى مەن دامۋى ءۇشىن، ەكونوميكانىڭ ءوسۋى ءۇشىن ماڭىزدى قادام»، - دەپ ءوز ءسوزىن تۇيىندەدى نۇرسۇلتان نازاربايەۆ.

ايتا كەتەيىك، 22 - جەلتوقسان كۇنى ەلباسى نۇرسۇلتان نازاربايەۆ ەلىمىزدەگى جەتەكشى ب ا ق وكىلدەرىنە 2017 -جىلدى قورىتىندىلاۋعا ارنالعان سۇحبات بەردى. وندا قازاق قوعامىنداعى ەلەۋلى وزگەرىستەر مەن وزەكتى ماسەلەلەر تۋرالى جۋرناليستەر سۇراعىنا جاۋاپ بەردى. اتالمىش سۇحباتتىڭ تەلەۆيزيالىق نۇسقاسى بۇگىن رەسپۋبليكالىق تەلەارنالاردىڭ ەفيرىنەن كورسەتىلدى.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى