بۇگىن 5 -جەلتوقساندا وتەتىن ماڭىزدى وقيعالارعا شولۋ
استانا
ساعات 9:00-دە Hilton Astana-دا ق ر ۇكىمەت باسشىسى باقىتجان ساعىنتايەۆتىڭ توراعالىعىمەن قازاقستانداعى جاھاندىق ينۆەستيتسيالار تاقىرىبىنا ارنالعان شارا (KGIR) وتەدى.
ساعات 9:00-دە تاۋەلسىزدىك سارايىندا «ەرىكتىلىك: بولاشاقتى بىرگە قۇرامىز» اتتى ۇلتتىق فورۋم ۇيىمداستىرىلادى.
ساعات 9:00-دە ماريوتت قوناق ۇيىندە قازاقستاندا تۇرمىستىق زورلىق- زومبىلىق بويىنشا زەرتتەۋدىڭ باستاپقى ناتيجەلەرىن تالقىلاۋعا ارنالعان ساراپشىلىق كەزدەسۋ بولادى.
ساعات 9:30-دا «قازجول» قوناق ۇيىندە قازاقستاننىڭ شولەيتتى اۋماعىنداعى ەكوجۇيەنى ساقتاۋ ماسەلەسىنە نەگىزدەلگەن عىلىمي- تاجىريبەلىك سەمينار باستالادى.
ساعات 11:00-دە ۇلتتىق اكادەميالىق كىتاپحانادا ماجارلىق شىعىستانۋشى، ساياحاتشى، ەتنوگراف- زەرتتەۋشى دەرد ءالماشيدىڭ تۋعانىنا 150 جىل تولۋىنا ارنالعان دوڭگەلەك ۇستەل مەن فوتوكورمە ۇيىمداستىرىلادى.
ساعات 16:00-دە اقوردادا ق ر مەملەكەتتىك حاتشىسى گۇلشارا ءابدىقالىقوۆانىڭ قاتىسۋىمەن سىبايلاس جەمقورلىققا قارسى ءىس- قيمىل جونىندەگى كوميسسيانىڭ وتىرىسى وتەدى.
ساعات 17:00-دە باس پروكۋراتۋرادا «رۋحاني جاڭعىرۋ» جوبالىق كەڭسەسىنىڭ ءبىرىنشى سەسسياسى وتەدى.
الماتى
ساعات 11:00-دە اباي اتىنداعى قازاق مەملەكەتتىك اكادەميالىق وپەرا جانە بالەت تەاترىندا باسپا ءسوز ءماسليحاتى ۇيىمداستىرالادى. شارادا تەاتردىڭ جوسپارلارى مەن الداعى شەتەلدىك گاسترولدىك ساپارلارى جايىندا مالىمەت بەرىلمەك.
ساعات 11:45-تە قۇرعاق قۇرىلىس قوسپالارىن قاپتاۋعا ارنالعان قاعاز قاپشىقتاردى شىعاراتىن زاۋىتتىڭ رەسمي ىسكە قوسىلۋى وتەدى.
ساعات 17:30-دا ق ر ۇلتتىق كىتاپحاناسىندا بەلگىلى قازاقستاندىق فوتوگراف ولەگ بەليالوۆتىڭ شىعارماشىلىق كەشى جانە «التىن ەمەل - قازاقستان تابيعاتىنىڭ مارجانى» دەرەكتى فيلمىنىڭ كورسەتىلىمى وتەدى.
اقمولا وبلىسى
ساعات 8:00-دە قورعالجىن اۋدانىنىڭ ورتالىعىندا سيرەك كەزدەسەتىن ءارى جويىلىپ بارا جاتقان جانۋارلاردى قورعاۋعا ارنالعان ارنايى شارا ۇيىمداستىرىلادى.
وڭتۇستىك قازاقستان وبلىسى
تۇركىستان قالاسىندا تۇركسوي تۇراقتى كەڭەسىنىڭ 35- وتىرىسى، سونىمەن قاتار «تۇركىستان - تۇركى الەمىنىڭ مادەني استاناسى» جىلىنىڭ سالتاناتتى جابىلۋى وتەدى. وسى ورايدا ءبىرقاتار ماڭىزدى شارالار ۇيىمداستىرىلادى دەپ كۇتىلۋدە.
