قازاقستاندىق ارتىستەر ەۋروپا ەلدەرىنىڭ 5 قالاسىندا ونەر كورسەتەدى

كارى قۇرلىققا قازاقستاننىڭ اتىنان «Astana Musical»  تەاترىنىڭ ارتىستەرى مەن رەسپۋبليكالىق اكادەميالىق نەمىس دراما تەاترى اتتانادى.

«ۇلى دالانىڭ تەاترى» اتتى اۋقىمدى شارا مەملەكەت باسشىسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى جانە «جاھاندىق الەمدەگى قازىرگى قازاقستاندىق مادەنيەت» ۇرانىمەن 2017-جىلدىڭ جەلتوقسان ايىندا وتكىزىلمەك.

«بۇگىنگە دەيىن وسىناۋ باعدارلامانىڭ تۇساۋكەسەرى پاريج قالاسىندا يۋنەسكونىڭ باس اسسامبلەياسى كەزىندە بولىپ وتكەن ەدى. وسىنداي مازمۇنداعى تانىستىرىلىم تۇركيانى دا تامساندىرعان. ال جاقىندا مادەنيەت جانە سپورت ءمينيسترى ۇلكەن دەلەگاتسيامەن گولليۆۋدتا بولىپ، سوندا ءبىزدىڭ فيلمدەر كورسەتىلدى»، - دەيدى مادەنيەت جانە سپورت ۆيتسە-ءمينيسترى اقتوتى رايىمقۇلوۆا و ك ق- دا وتكەن باسپا ءسوز ءماسليحاتى بارىسىندا.

قازاقستاندىق ارتىستەردىڭ تۋرىنىڭ اۋقىمى بەرلين، پاريج، ۆەنا، بريۋسسەل جانە ماسكەۋ قالالارىن قامتىماق. ءدال وسى قالالاردا «Astana Musical» تەاترى «قىز جىبەك» ەتنوفولكلورلى ميۋزيكلىن كورسەتەدى. ال نەمىس تەاترى مۇحتار اۋەزوۆتىڭ «قاراگوز» كلاسسيكالىق تۋىندىسىن نەمىس تىلىندە كورەرمەنگە ۇسىنادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى