اسكەريلەر تەڭىز بەتىندە 5 ايدان بەرى اداسىپ جۇرگەن ەكى ايەلدى قۇتقاردى

تەلەارنانىڭ حابارلاۋىنشا، قاسىندا يتتەرىن ەرتكەن ەكى قىز ياحتالارىمەن گاۆاي ارالدارىنان گايتيگە جەتپەك بولىپ اشىق تەڭىزگە شىققان. جول بويىندا باعىتىنان جاڭىلعان ولاردى ا ق ش تەڭىز كۇشتەرىنىڭ «اشلەند» دەسانت كەمەسى قۇتقارىپ الدى.

كەيىن ءمالىم بولعانىنداي، دجەننيفەر اپپەل مەن تاشا فۋابا مامىر ايىندا تايتيگە ءوز بەتتەرىنشە ساپار شەكپەكشى بولعان. الايدا تەڭىزدە داۋىل سوعىپ، كەمەنىڭ قوزعالتقىشى ىستەن شىققان. ال، كۇشتى جەل ولاردى اشىق تەڭىزگە الىپ كەتكەن. ءسويتىپ، اشىق تەڭىزدىڭ ورتاسىندا ولارعا كومەك كورستەتەتىن ەشبىر كەمە جولىقپاعان.

ابىروي بولعاندا ساياحاتشى قىزدار مىنگەن ياحتادا ۇزاققا ساقتالاتىن تاعامدار وتە مول بولعان. ولاردى اسكەريلەر قۇتقاراتىن كەزدە ياحتا جاپون ارالدارىنا جاقىنداپ قالعان ەكەن.

«ولار ءبىزدى قۇتقاردى. الىستان كەمەنى كورگەن ءبىزدىڭ قۋانىشتان جۇرەگىمىز جارىلىپ كەتە جازدادى»، - دەيدى قۇتقارىلعان قىزداردىڭ ءبىرى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى