استانادا 5 كۇنگە لايىقتالعان كۇندەلىكتى ساتىپ الۋدىڭ قاجەتى جوق
بۇل تۇسىنىكتەمە باسقارمانىڭ فەيسبۋكتەگى پاراقشاسىندا جاريالاندى، دەپ حابارلايدى قازاقپارات.
«قۇرمەتتى اتا-انالار! سوڭعى كەزدە كۇندەلىكتەر بويىنشا كوپ سۇراق تۋىنداپ جاتىر. ق ر ءبىلىم جانە عىلىم مينيسترلىگى جانە قالالىق ءبىلىم باسقارماسى تاراپىنان بەلگىلى ءبىر كۇندەلىكتىڭ ۇلگىسىن الۋعا ۇسىنىس نەمەسە تاپسىرما بەرىلگەن ەمەس. 5 كۇندىك وقۋ اپتاسىنا ارنالعان ارنايى كۇندەلىكتەردى ساتىپ الۋ قاجەتتىلىگى جوق. ادەتتەگى 6 كۇنگە ارنالعان كۇندەلىكتەر دە بولا بەرەدى. ول ءاربىر اتا-انا ءوز قالاۋىمەن شەشەتىن ماسەلە. كۇماندى اقپاراتقا سەنىپ، قىمبات كەڭسە تاۋارلارىن ساتىپ الۋدان ساق بولۋىڭىزدى سۇرايمىن»، دەپ ءمالىم ەتتى قالالىق ءبىلىم باسقارماسىنىڭ باسپا ءسوز حاتشىسى جازيرا اسانوۆا.
ەسكە سالا كەتسەك، بۇعان دەيىن ق ر ءبىلىم جانە عىلىم مينيسترلىگى بىيلعى جىلدان باستاپ 5 كۇندىك وقۋ اپتاسى ەنگىزىلەتىنىن جانە ونىڭ ەڭ ماڭىزدى مەحانيزمدەرى جايلى تۇسىنىكتەمە بەرگەن بولاتىن.
