كاسپي بانكتى توناۋشىلار تۋرالى اقپارات بەرگەندەرگە 5 ميلليون تەڭگە بەرمەك

« Kaspi Bank 22- تامىز كۇنى تالعار قالاسىنداعى بولىمشەگە قاراقشىلىق شابۋىل جاساۋعا قاتىسى بار قىلمىسكەرلەردى ۇستاۋعا مۇمكىندىك بەرەتىن ماڭىزدى اقپاراتتى ۇسىنعاندارعا 5 ميلليون تەڭگە سىياقى بەرەدى. بۇل اقپاراتتى بانكتىڭ قاۋىپسىزدىك قىزمەتىنە 77473882934+ تەلەفونى ارقىلى حابارلاۋعا بولادى»، - دەپ جازىلعان حابارلامادا.

ايتا كەتۋ كەرەك، كەشە Kaspi bank- ءتىڭ الماتى وبلىسىنىڭ تالعار قالاسىندا ورنالاسقان بولىمشەسىنە قاراقشىلىق شابۋىل جاسالدى. بەينەباقىلاۋ كامەراسىنا تۇسكەن كادردا بەتىنە بەتپەردە كيگەن ەكى ادام عيماراتتىڭ توبەسىنەن تۇسەدى.

ولاردىڭ ءبىرى بانك قىزمەتكەرلەرىنىڭ قولدارىن بايلاۋمەن اينالىسىپ جاتقاندا، ەكىنشىسى كاسساداعى اقشانى سومكەگە سالا باستايدى. قاراقشىلاردىڭ قانشا اقشا الىپ كەتكەنى ازىرگە بەلگىسىز. بانكتىڭ باسپا ءسوز قىزمەتىنەن ءمالىم ەتكەندەي، قاراقشىلىق شابۋىل كەزىندە عيماراتتا بانك كليەنتتەرى بولماعان. بانك قىزمەتكەرلەرى زارداپ شەككەن جوق.

«ولار دەرەۋ دابىل تەتىگىن باسىپ، ءتارتىپ ساقشىلارىنا حابار بەردى. قازىر وقيعا ورنىندا پوليتسەيلەر جۇمىس ىستەپ جاتىر. بانكتىڭ قاۋىپسىزدىك قىزمەتى قىلمىسكەرلەردى انىقتاۋ ءۇشىن بارلىق اقپاراتتى بەرىپ، ءتارتىپ ساقشىلارىمەن بەلسەندى جۇمىس ىستەۋدە. ناقتى قانشا قارجى تونالعانى انىقتالۋدا»، - دەلىنگەن Kaspi Bank باسپا ءسوز قىزمەتىنىڭ تاراتقان مالىمدەمەسىندە.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى