استانادا حالىقارالىق مارافونعا 5 مىڭ ادام قاتىسادى
بيىل 15- مامىردا قىتاي استاناسى بەيجىڭ قالاسىندا ق ر مادەنيەت جانە سپورت مينيسترلىگى، ق ر جەڭىل اتلەتيكا فەدەراتسياسى مەن «شانحە» يۋننان مادەنيەت جانە سپورت كومپانياسى اراسىندا ش ى ۇ مەن ا و س ش ك حالىقارالىق استانا مارافونىن وتكىزۋگە بايلانىستى كەلىسىم جاسالعان بولاتىن.
ايتا كەتەيىك، «ەكسپو-2017» حالىقارالىق كورمەسىمەن تۇسپا-تۇس وسى جىلى ازياداعى ءوزارا ىقپالداستىق جانە سەنىم شارالارى جونىندەگى كەڭەسكە 25 جىل تولىپ وتىر. وسى اتاۋلى داتانى حالىقارالىق مارافونمەن بىرگە اتاپ ءوتۋ قاجەت دەگەن شەشىم شىعارىلدى.
شارانىڭ باستى ماقساتى - تاراپتار اراسىندا ۇزاق مەرزىمدى ءارى ءتيىمدى قارىم-قاتىناس ورناتۋ. حالىقارالىق استانا مارافونى ەڭ اۋقىمدى سپورتتىق- مادەني شارالاردىڭ ءبىرى بولعالى تۇر.
«ەكسپو-2017» اياسىندا وتەتىن حالىقارالىق مارافون 2017-جىلدىڭ 27- تامىزىندا تاڭعى ساعات 08:00 دە باستالادى.
مارافوننىڭ مارشرۋتى استانانىڭ سول جاعالاۋىنداعى باستى كوشەلەردى قامتيدى. سپورتتىق شاراعا ش ى ۇ مۇشە ءاربىر مەملەكەتتەن جالپى 50 كاسىبي سپورتشىنى تارتۋ كوزدەلگەن. ولار ءۇش ءتۇرلى، اتاپ ايتقاندا 42 كيلومەتر، 10 كيلومەتر، جانە 2017 مەتر قاشىقتىقتا باقتارىن سىنايدى.
جارىسقا شەتەلدەن 1 مىڭ جەلاياق قاتىسادى. قازاقستاندىق تاراپتان 4 مىڭ ادام قاتىسادى دەپ كۇتىلۋدە»، - دەيدى ق ر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ ءتوراعاسى ەلسيار قاناعاتوۆ.
مارافونعا ونلاين تىركەلۋ 15- شىلدەدەن باستالدى. حالىقارالىق جارىسقا قاتىسۋ ءۇشىن ارنايى سايتتا تىركەلۋ قاجەت.
ايان بەكەن ۇلى
