جاستارعا ارنالعان «مەنىڭ ارمانىم» كونكۋرسىنىڭ جەڭىمپازى 5 ميلليون تەڭگەگە يە بولادى
جاستارعا ارنالعان سايىستىڭ وتكىزىلۋىنە ق ر ءبىلىم جانە عىلىم مينيسترلىگى مۇرىندىق بولىپ وتىر.
مينيسترلىكتىڭ وكىلى بولاتبەك ابدراسيلوۆتىڭ ايتۋىنشا، بايقاۋعا قاتىسۋ ءۇشىن قازاقستاننىڭ بارلىق ايماقتارىنان قىركۇيەك ايىنىڭ باسىنا دەيىن وتىنىمدەر قابىلدانادى. كونكۋرستىڭ باستى ماقساتى - قازاقستان جاستارىنىڭ الەۋمەتتىك بەلسەندىلىگىن، سىني جانە شىعارماشىلىق تۇرعىدا تەرەڭ ويلاۋىن دامىتۋ. نەگىزگى مىندەتتەرى بويىنشا ەلباسىنىڭ «رۋحاني جاڭعىرۋ: بولاشاققا باعدار» ماقالاسىندا بەلگىلەنگەن باعىتتاعى جوبالاردى قولداۋ ءۇشىن وتكىزىلمەك.
«بۇل جوبا - جاستاردى قولدايتىن ەرەكشە كونكۋرس بولايىن دەپ تۇر. كونكۋرس ينتەللەكتۋالدى شوۋ رەتىندە «حابار» اگەنتتىگى ارقىلى كورسەتىلەدى. بەس باعىت بويىنشا: ءبىلىم، تەحنولوگيالار، ەكولوگيا، الەۋمەت، مادەنيەت سالاسىنىڭ ماسەلەلەرى بويىنشا وتىنىمدەر قابىلدانادى. مۇنداي جاڭا فورماتتاعى كونكۋرس تۇڭعىش رەت ۇيىمداستىرىلماق» ، - دەيدى بولاتبەك ابدراسيلوۆ.
ال «رۋحاني جاڭعىرۋ» باعدارلاماسىنىڭ باسقارما كەڭسەسىنىڭ باسشىسى ارمان ەۆنيەۆتىڭ سوزىنە سۇيەنسەك، جوبا جاستارعا الەۋمەتتىك- ينوۆاتسيالاردى تابۋدىڭ جولىن اشىپ بەرەدى. ءادىل قازىلار تاڭداپ العان 64 جوبا «حابار» ارناسىنان كورسەتىلەتىن ينتەللەكتۋالدىق شوۋعا قاتىستىرىلادى.
«مەنىڭ ارمانىم» جاستار اراسىنداعى الەۋمەتتىك جوبالار ۇلتتىق بايقاۋىنىڭ جەڭىمپازى 000 5000 تەڭگەنى يەلەنەدى. «جوبا بارىسىندا وقۋ ترەنينگتەرى وتكىزىلەدى. قىركۇيەكتە 64 جوبانىڭ اۆتورى استاناعا كەلىپ، تەلەۆيزيالىق باعدارلاماعا تۇسۋگە ازىرلەنەدى. اۆتورلار جوبالارىن قالاي قورعايدى، قالاي سويلەۋ كەرەك، قالاي جوبانى تانىستىرۋ كەرەك - ءبارىن دە ۇيرەتەمىز. جەلتوقساندا اقتىق سايىس وتەدى. 4 اۆتوردىڭ جوباسى ىرىكتەلىپ، ونىڭ ىشىندە بىرەۋى جەڭىمپاز اتانادى»، - دەيدى «SUCCESS K» ستراتەگيالىق كوممۋنيكاتسيالار اگەنتتىگى باس ديرەكتورى ءلاززات كوككوزوۆا.
