مىسىردا جارتاسقا سالىنعان 5 مىڭ جىلدىق سۋرەتتەر تابىلدى
بۇل تۋرالى وسى ەلدىڭ ەجەلگى ىستەر جونىندەگى مينيسترلىگىنىڭ وكىلى ءمالىم ەتتى، دەپ حابارلايدى تاسس. ونىڭ ايتۋىنشا، بىرەگەي جارتاستاعى فرەسكالار وسى ۋاقىتقا دەيىن زاماناۋي ەگيپەتتىڭ اۋماعىندا تابىلعان زاتتاردىڭ ەڭ ەجەلگىسى بولىپ تابىلادى. ونى امەريكالىق يەلسكي ۋنيۆەرسيتەتى مەن بەلگياداعى كورولدىك اسەم ونەرلەر مۋزەيىنىڭ ماماندارى ەدفۋ قالاسىنا جاقىن ورنالاسقان ەل- كابب جەرىنەن تاپقان.
مامانداردىڭ باعالاۋىنشا، ءبىزدىڭ زامانىمىزدان كەم دەگەندە 4000-3500 جىل بۇرىنعى جارتاستاردا ءبىرقاتار جانۋارلار مەن قۇستاردىڭ سۋرەتى بەينەلەنگەن. عالىمدار پىلدەردىڭ فرەسكالارىنا باستى نازار اۋداردى، سەبەبى ونداعى ءپىلدىڭ بۋاز ەكەندىگى ايقىن كورسەتىلگەن. ساراپشىلاردىڭ ايتۋىنشا، بۇل ەجەلگى كوركەمونەر ءۇشىن بىرەگەي تۋىندى بولىپ سانالادى.
