ۋنيۆەرسيادادا 5 مەدال ەنشىلەگەن شاڭعىشىعا ەكى بولمەلى پاتەر بەرىلدى - پاۆلودار
«ءبىز ءسىزدىڭ ءاربىر جارىسىڭىزدى قاراپ، جانكۇيەر بولدىق. قازاقستان قۇراماسىنىڭ قورجىنىنا بەس بىردەي مەدال سىيلاپ، ءبارىمىزدى قۋانىشقا بولەگەنىڭىزگە راحمەت. تىعىز دايىندىق جۇمىستارىنا قاراماستان، ۋاقىت ءبولىپ كەلگەنىڭىز ءۇشىن دە العىس بىلدىرەمىن»، - دەدى بولات باقاۋوۆ.
اننا شيەۆچەنكو پاتەر الۋ ءوزىنىڭ ارمانى ەكەنىن ايتتى. «بۇگىن تاعى ءبىر ارمانىم ورىندالدى. ماعان قولداۋ تانىتقانىڭىز ءۇشىن راحمەت. العاشقى جۇلدەمدى العان سوڭ ماعان وبلىس اكىمى حابارلاسىپ جاتىر دەپ تۇتقانى بەرگەن كەزدە، قالجىڭ دەپ ويلاعان ەدىم. دەگەنمەن كوڭىل سۇيسىندىرەرلىك ءىس بولدى»، - دەدى شاڭعىشى.
ايتا كەتەيىك، XXVIII قىسقى ۋنيۆەرسيادا ويىندارىندا پاۆلودار وبلىسىنان 10 سپورتشى ءوڭىر نامىسىن قورعاپ، 11 جۇلدە ۇتىپ الدى. اننا شيەۆچەنكو ءۇش قولا، ءبىر كۇمىس جانە ءبىر التىن مەدال ەنشىلەپ، ءبىر ۋنيۆەرسيادادا بەس رەت تۇعىرعا شىققان تۇڭعىش قازاقستاندىق سپورتشى اتاندى.
اۆتور: ەربول جانات
