اۋىز قۋىسىنداعى جاعىمسىز يىستەن ارىلۋدىڭ 5 جولى

سوندىقتان بۇل يىستەن تەزىرەك قۇتىلۋعا اسىعىڭىزدار. اۋىز قۋىسىنداعى جاعىمسىز ءيىس - اۋىز قۋىسىنداعى، قىزىل يەك، ءتىس پەن تىلدەگى باكتەريالاردىڭ شىعاراتىن گازى. ارينە، ودان ارىلۋدىڭ قاراپايىم جولى - ءتىستى ۋاقىتىلى جۋۋ. سونىمەن قاتار تومەندەگىدەي 5 جولى دا بار.

1. ءتىس دارىگەرىنە قارالىڭىز كەيبىر باكتەريالار تىستە كوپ مولشەردە جينالىپ، جاعىمسىز ءيىس شىعارادى ەكەن.

ال ونى ستوماتولوگتار تازالاپ بەرەدى. بۇل باكتەريالار ءتىستىڭ بەرىكتىگىن تومەندەتىپ، تىستە جارىقتار پايدا بولادى. وسى جارىقتاردان شىرىگەن، قۇرتتاعان تىستەردىڭ تۇبىندەگى جاعىمسىز يىستەردىڭ شىعۋى دا عاجاپ ەمەس.

2. مۇرنىڭىزدى تەكسەرتىڭىز اۋىز قۋىسۋى ساسۋىنىڭ تاعى ءبىر سەبەبى - مۇرىن جولدارىنان شىعاتىن ءيىسى جاعىمسىز بولىندىلەر بولۋى مۇمكىن.

مۇندايدا مۇرىن جولدارىن تۇز ەرىتىندىسىمەن شايۋ قاجەت. وسىدان كەيىن دە جاعىمسىز ءيىس شىعاتىن بولسا، لور دارىگەرگە قارالىڭىز.

3. بادامشاداعى تىعىندار بادامشا (ميندالينى) - مۇرىن، جۇتقىنشاق، اۋىز قۋىسىنىڭ ارالىقتارىنا ورنالاسقان بەزدەر.

ولارعا ءتۇرلى باكتەريالار جيىلىپ، تىعىندار پايدا بولادى. مىنە، سودان جاعىمسىز ءيىس شىعادى. سوندىقتان بۇل تىعىنداردى الدىرتۋ كەرەك. «Waterpik» دەگەن قۇرىلعىمەن الادى.

4. اس مازىرىنە نازار اۋدارىڭىز سارىمساق، پياز سياقتى وتكىر ءيىستى تاعامداردان اۋىز قۋىسىندا جاعىمسىز ءيىس قالاتىنىن ءبارىمىز بىلەمىز. سوندىقتان ولاردان كەيىن دەرەۋ اۋىز شايۋ كەرەكتىگىن ۇمىتپاڭىز.

5. اسقازانىڭىزدى تەكسەرتىڭىز جوعارىدا اتالعان كەڭەستەردىڭ كومەگى بولماسا، دارىگەرگە بارىپ، اسقازانىڭىزدى قاراتىڭىز. ويتكەنى جاعىمسىز ءيىستىڭ ءبىر سەبەبى - اسقازاننىڭ دۇرىس جۇمىس ىستەمەيتىندىگى.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى