اقتوبەلىك جىگىت الەۋمەتتىك جەلىگە اۋەن جۇكتەيمىن دەپ 5 جىلعا سوتتالىپ كەتتى
سەبەبى بارلىعىمىز الەۋمەتتىك جەلىگە تىركەلگەنبىز. ساراپشىلار فەيسبۋك، ۆكونتاكتە سەكىلدى سايتتاردا ءان، سۋرەت جۇكتەردە اباي بولۋدى ەسكەرتەدى.
بۇل تۋرالى قازاقستان ارناسى حابارلايدى.
اۋەزى ادەمى. ۇنادى. كەيىن، تاعى ءبىر تىڭدارمىن دەپ، «ۆكونتاكتە» - دەگى پاراعىنا كوشىرىپ الدى. سوسىن باسى بالەگە قالدى. سويتسە، الگى اۋديو-جازبالارى جيحادقا شاقىراتىن اندەر بولىپ شىقتى.
مۇنى سوتتا ءبىر-اق ءبىلدى. اقتوبەلىك ءماۋلىت ەمەنوۆ تەرروريزمدى ناسيحاتتادى دەپ ايىپتالعاندا، كوپتەگەن گازەت-جۋرنال وسىلاي اقپار تاراتىپ ەدى.
«بيىلعى جىلى 26 ازامات سوتتالدى دەپ وتىرمىز عوي. ولاردىڭ بارلىعى كۇندەلىكتى تەرروريزمگە، جيھادقا شاقىرىپ، ءتۇرلى سونداي تەرىس ءدىني سيپاتتاعى ماتەريالداردى جاريالاپ وتىرعان»، - دەيدى ق ر باس پروكۋراتۋراسى اپپاراتى جەتەكشىسىنىڭ ورىنباسارى ءنۇردىلدا وراز.
ياعني ەشكىمدى ابايسىزدا، بىلمەستىكتەن بولىسكەنى ءۇشىن اباقتىعا جاپپاعان. كىناسى بولعاسىن جازاسى كەسىلىپ تۇر عوي. ءجا، ماعان بۇل تاقىرىپتىڭ قاتىسى جوق دەپ ەركىنسۋگە ءالى ەرتە. ءتارتىپ ساقشىلارى جەلىدە وتىرعاندا ابايلاۋعا، لايكتارعا ءسال ساراڭداۋ بولۋعا شاقىرادى.
ۇنايدىنى باسار الدىن ويلانىڭىز. بۇل قانداي ادام، مىناۋ ءانى، ۆيدەوسى نە جايىندا. كوز جەتكىزگەن سوڭ عانا بولىسسەڭىز مارحابات. ايتپەسە قىلمىستىق كودەكستىڭ 256 -بابى بار. تەرروريزمدى ناسيحاتتاعانىڭىزعا تيتتەي دالەل تابىلسا، جەتى جىلعا شەيىن اباقتى ارقالاپ كەتۋىڭىز مۇمكىن.
«تەرروريستىك نەمەسە ەكسترەميستىك سيپاتتاعى ماتەريالدار بولسا، ولارعا وتە مۇقيات بولىپ، باسقالارعا تاراتپاۋدى، اباي بولۋدى سۇرايمىز. جەكە مەسسەندجەرلەر، ۆاتساپ ارقىلى، تەلەكوممۋنيكاتسيالىق جەلىلەر ارقىلى زاڭعا قايشى ماتەريالدار بولسا، باسقا ازاماتتارعا تاراتپاۋعا تىرىسۋ كەرەك»، - دەيدى ق ر اقپارات جانە كوممۋنيكاتسيالار مينيسترلىگىنىڭ وكىلى ازامات قابدەشوۆ.
ينتەرنەت سايتتىڭ ءتىلشىسى بولعاندىقتان، ابزال كوپ ۋاقىتىن الەۋمەتتىك جەلىگە جۇمسايدى. جازعان ماتەريالىن جارنامالايدى، ودان قالدى قىزىقتى دەگەن دەرەكتەرىمەن ءبولىسىپ تۇرادى. ءبىراق مۇلدە جولامايتىن تاقىرىپتارى دا بار.
«مۇمكىندىگىنشە، ءدىني تاقىرىپتا بلوگ جازباۋعا، جاريالاماۋعا تىرىسامىن. سەبەبى ءبىزدى ۇلگى تۇتىپ جۇرگەندەر بار، ءبىز ەگەر دۇرىس ەمەس نارسەنى جاريالاپ قوياتىن بولساق، ولار يلانىپ، سەنىپ قالۋى مۇمكىن. سوسىن سونى ومىرلىك ۇستانىمى رەتىندە الىپ قالۋى دا مۇمكىن»، - دەيدى ول.
جەكە پاراقشا. كوبىمىز ول جەرگە نە جازسام دا، نە جاريالاسام دا ەرىك وزىمدە دەيمىز. ءبىراق پاراقشا جەكە دەپ اتالعانىمەن، وندا جازعان ءاربىر ءسوزىمىز ميلليوندارعا جول تارتادى. ولاي بولسا، نەنى جاريالادىڭ ەكەن سونىڭ ناسيحاتشىسى بولىپ سانالاسىڭ.
