اقتوبە وبلىسىندا شەكاراشىلار قارۋلانعان 5 ادامدى ۇستادى

ولاردان اڭشىلىق قارۋى مەن وق-دارىلەر الىندى. العاشقى دەرەك بويىنشا، «الىمبەت» باقىلاۋ بەكەتىنىڭ شەكاراشىلارى «نيسسان» اۆتوموبيلىن مىنگەن ەكى ازاماتتى ۇستادى. تەكسەرۋ بارىسىندا ولاردان رۇقساتى جوق اڭشىلىق قارۋ مەن 23 دانا وق-ءدارى تابىلدى. وسى كۇنى «الىمبەتتىك» شەكاراشىلار مەملەكەتتىك شەكارادان 100 مەتر قاشىقتىقتا كەتىپ بارا جاتقان تاعى دا ءۇش ازاماتتى ۇستادى.

ولاردىڭ كولىگىنەن ەكى اڭشىلىق قارۋ مەن 80 دانا وق-ءدارى الىندى. «ۇستالعاندار قارۋ-جاراق پەن وق-دارىگە قاتىستى ەشقانداي رۇقسات قاعازدارىن كورسەتە المادى. وسىلايشا، مەملەكەتتىك شەكارا بويىندا اڭشىلىق ەتۋگە تىيىم سالىنعانىنا قاراماستان، زاڭ بۇزۋشىلىققا بارىپ وتىرعان ازاماتتار بار. ۇستالعانداردىڭ بارلىعى اكىمشىلىك جازاعا تارتىلدى. اتالعان دەرەكتەر بويىنشا قۇقىق قورعاۋ ورگاندارى حابارلاندىرىلدى»، - دەلىنگەن تاراتىلعان حابارلامادا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى