قازاقستاننىڭ 5 وبلىسىندا جولدار جابىلدى
قاراعاندى وبلىسىندا ساعات 00:20 دەن باستاپ، اۋا رايىنىڭ بۇزىلۋىنا بايلانىستى (اياز) جۇك تاسيتىن كولىكتەر مەن دەزەلدى وتىنمەن جۇرەتىن كولىكتەر ءۇشىن جول جابىلدى. پاۆلودار وبلىسىندا ساعات 00:19 دەن باستاپ، اۋا رايىنىڭ بۇزىلۋىنا وراي (اۋا تەمپەراتۋراسىنىڭ تومەندەۋى) «ومبى- مايقاپشاعاي» اۆتوجولىنىڭ بولىگى (426,587 ك م) كەنجەكول اۋىلىنان شىعىس قازاقستان وبلىسىنىڭ شەكاراسىنا دەيىن جۇك كولىكتەرى مەن ديزەلدى وتىنمەن جۇرەتىن كولىكتەر ءۇشىن جابىق. الماتى وبلىسىندا ساعات 00:19 دەن باستاپ، قولايسىز مەتەوجاعدايلارعا بايلانىستى (قالىڭ قار، كورىنىس ناشار) رەسپۋبليكالىق باعىتتاعى «الماتى- وسكەمەن» اۆتوجولىنىڭ 558 جانە 615 ك م- ى بارلىق جۇك جانە ديزەلدى وتىنمەن جۇرەتىن كولىكتەر ءۇشىن جابىق. شىعىس قازاقستان وبىلسىندا ساعات 00: 19 دەن ساعات 00: 08 گە دەيىن سىرتقى اۋانىڭ شەكتەن تىس تومەندەۋىنە بايلانىستى مارشرۋتتى رەيستى كولىكتەر مەن ديزەلدى وتىنمەن جۇرەتىن اۆتوكولىكتەر ءۇشىن بارلىق باعىتتار بويىنشا جول جابىق. اقمولا وبلىسىندا ساعات 20-30 دان باستاپ، اۋا رايىنىڭ كۇرت بۇزىلۋىنا بايلانىستى (اۋا تەمپەراتۋراسىنىڭ -30، -31 گرادۋستان تومەن بولۋى) بارلىق باعىتتار بويىنشا ديزەلدى وتىنمەن جۇرەتىن جۇك كولىكتەرى مەن قوعامدىق كولىكتەر ءۇشىن جول جابىق.
