پاۆلوداردا قۇنى 5 ميلليون تەڭگەلىك بيودارەتحانا سالىندى
اقىلى «قىزمەت» كورسەتەتىن نىسان مەملەكەتتىك- جەكەمەنشىك سەرىكتەستىك اياسىندا سالىندى.
بۇل تۋرالى Bnews.kz حابارلايدى.
پاۆلودار قالالىق تۇرعىن ءۇي- كوممۋنالدىق شارۋاشىلىق ءبولىمىنىڭ سەكتور مەڭگەرۋشىسى اسىلحان كوپەشەۆتىڭ ايتۋىنشا، دارەتحانانى سالۋ بارىسىندا 2 ميلليون تەڭگەگە جۋىق قارجىنى ۇنەمدەۋگە مۇمكىندىك تۋدى.
«بيودارەتحانا قۇرىلىسىمەن جەرگىلىكتى «پارتنەر- پۆ» فيرماسى اينالىستى. قازىرگى تاڭدا نىسانعا كارىز، سۋ جانە جىلۋ جەلىلەرى تارتىلدى. ايتا كەتەرلىگى، دارەتحاناعا جاعىمسىز ءيىستى تارتىپ الاتىن ارنايى قۇرال ورناتىلدى. ماتەريالداردىڭ بارلىعى شەتەلدەن تاسىمالداندى. قازىرگى تاڭدا نىساندى بالانسقا بەرۋ جۇمىسى اتقارىلىپ جاتىر»، - دەيدى اسىلحان كوپەشەۆ.
ايتا كەتەيىك، بيوتۋالەتتىڭ قاۋىپسىزدىگىن جەرگىلىكتى ءتارتىپ ساقشىلارى قامتاماسىز ەتپەك. جاڭا نىسان كۇندەلىكتى تۇنگى ساعات 23.00 -گە دەيىن جۇمىس ىستەيدى. ازىرگە قىزمەت باعاسى انىقتالعان جوق. الداعى ۋاقىتتا وسى تەكتەس نىساندار وبلىس ورتالىعىنىڭ ءىرى ساياجايلارىندا تۇرعىزىلماق.
