ساعىنتايەۆ: تاۋەلسىزدىك جىلدارىندا قازاقستاندىقتاردىڭ ءومىر ءسۇرۋ ۇزاقتىعى 5 جىلعا ۇلعايدى

دەپ حابارلايدى قازاقپارات ءتىلشىسى ۇكىمەت ۇيىنەن.

ۇكىمەت باسشىسىنىڭ ايتۋىنشا، تاۋەلسىزدىك جىلدارى ەلىمىزدە مەملەكەت قاراجاتىنان  1300 دەن استام دەنساۋلىق ساقتاۋ نىساندارى ىسكە قوسىلدى. جىلدىڭ سوڭىنا دەيىن تاعى 350 گە جۋىق ەمحانالار مەن امبۋلاتوريالاردى سالۋ جوسپارلانىپ وتىر.

«سونىمەن قاتار، ەلباسىنىڭ تاپسىرماسى بويىنشا بارلىق وبلىستاردا قازىر كارديوحيرۋرگيالىق بولىمدەر جەلىسى اشىلدى. استانادا مەديتسينالىق كلاستەر ىسكە قوسىلدى. ەلىمىزدە جۇرەككە، ميعا بۇرىن بولماعان وپەراتسيالار جاساۋ قولعا الىنىپ وتىر. وسىنىڭ ناتيجەسىندە ەلىمىزگە شەتەلدەن كوپتەگەن ناۋقاستار ەمدەلۋگە كەلىپ جاتىر. وسى سوڭعى 8 ايدىڭ ىشىندە 7,5 مىڭنان استام شەتەل ازاماتى قازاقستاندا ەمدەلگەن ەكەن. ىسكە اسىرىلعان شارالاردىڭ ناقتى ناتيجەسى، حالىقتىڭ ورتاشا ءومىر ءسۇرۋ ۇزاقتىعى ۇلعايدى.

مىسالى، تاۋەلسىزدىك العان العاشقى 1991 -جىلدى مىسالعا الاتىن بولساق، ءومىر ءسۇرۋ ۇزاقتىعىمىز ول كەزدە 67 جاس بولعان. 25 جىلدا اتالعان كورسەتكىش 5 جاسقا ۇلعايىپ وتىر. سونىمەن قاتار، انا ءولىمى بەس ەسە، بالا ءولىمى ءۇش ەسەگە ازايعان»، - دەپ اتاپ كورسەتتى ب. ساعىنتايەۆ. وتىرىس بارىسىندا بايانداما جاساعان دەنساۋلىق جانە الەۋمەتتىك دامۋ ءمينيسترى تامارا دۇيسەنوۆانىڭ ايتۋىنشا، مىندەتتى الەۋمەتتىك مەديتسينالىق ساقتاندىرۋدى ەنگىزۋ اياسىندا مەديتسينالىق قىزمەتتەردىڭ ساپاسىن بارىنشا كوتەرۋ جوسپارلانىپ وتىر.

 اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى