سوت مۇگەدەك بالانىڭ اكەسىنەن ونىڭ ەمدەلۋىنە 5 ميلليونداي تەڭگە ءوندىردى
تۋعاننان ەستۋ قابىلەتى بولماعان بالا ءۇشىنشى توپتاعى مۇگەدەك. ەرلى- زايىپتىلار اجىراسقاننان كەيىن بالانى اناسى گەرمانياعا اپارىپ كەشەندى تەكسەرىستەن وتكىزگەن. كەيىن ماسكەۋدە ەم قابىلداپ، قۇنى 25000 ا ق ش دوللارى تۇراتىن كوحلەارلىق يمپلونتانت ساتىپ العان، ال وتانى اۆستريالىق دارىگەر جاساعان. ەستۋ قۇرىلعىسىن جابدىقتاۋ جانە جوندەۋ دە ءبىرتالاي شىعىندى تالاپ ەتكەن. بالاسىن ەمدەتۋ ءۇشىن انا جالپى 9,5 ميلليون تەڭگە جۇمساعان.
ال بالانىڭ اكەسى شاعىم تالاپپەن كەلىسپەيدى، ناقتىسى، ۆاليۋتانىڭ تەڭگەگە شاققانداعى قۇنىمەن. سوتتا بەلگىلى بولعانداي، اكە بالانىڭ ەمدەلۋىنە كومەك كورسەتپەگەنىمەن قويماي، اي سايىنعى اليمەنتتى دە تولەمەگەن. سوت ورىنداۋشىسىنىڭ قاۋلىسىنا سايكەس، ازاماتتىڭ اليمەنت بويىنشا قارىزى سوڭعى 5 جىلدا 708000 تەڭگەگە جەتكەن. ءوزىنىڭ بۇل ارەكەتىن ازامات 12 جاستاعى ۇلى ءوسىپ جاتقان وزگە وتباسىنىڭ بارلىعىمەن تۇسىندىرەدى. جاۋاپكەردىڭ سوزىنشە، ول جەكە كاسىپكەردە جۇرگىزۋشى بولىپ جۇمىس ىستەيدى، جالاقىسى 23000 تەڭگە.
ق ر «نەكە (ەرلى- زايىپتىلىق) جانە وتباسى تۋرالى» كودەكسىنىڭ 144 -بابىنىڭ تالاپتارىنا سايكەس، اليمەنت تولەۋ تۋرالى كەلىسىم بولماعان كەزدە جانە ەرەكشە جاعدايلار (كامەلەتكە تولماعان بالالاردىڭ نەمەسە كومەككە مۇقتاج، ەڭبەككە جارامسىز كامەلەتكە تولعان بالالاردىڭ اۋىر ناۋقاستانۋى، مەرتىگۋى، ولارعا بوگدە ادامنىڭ باعىپ- كۇتۋىنە اقى تولەۋ قاجەتتىگى جانە باسقا دا ءمان- جايلار) بولعان كەزدە سوت وسى ءمان- جايلاردان تۋىنداعان قوسىمشا شىعىستاردى كوتەرۋگە قاتىسۋعا اتا-انالاردىڭ ءارقايسىسىن تارتۋى مۇمكىن.
ازاماتتىق ءىستىڭ قارالۋ ناتيجەسى بويىنشا، سوت ازاماتشا ك- نىڭ شاعىمىن ءىشىنارا قاناعاتتاندىرۋعا شەشىم شىعاردى. سوت شەشىمىمەن شاعىمدانۋشىنىڭ پايداسىنا جاۋاپكەردەن 4 ميلليون 750 مىڭ تەڭگە ءوندىرىلدى. سونىمەن قاتار، سوت جاۋاپكەردى بالاسى تولىق ساۋىعىپ كەتكەنشە ونىڭ ەمدەلۋىنە اي سايىن 5 ا ە ك كولەمىندە قاراجات تولەپ تۇرۋعا مىندەتتەدى.
سوت شەشىمى زاڭدى كۇشىنە ەنگەن جوق.
