پارا العان تالعار اۋداندىق ءبىلىم بەرۋ ءبولىمىنىڭ قىزمەتكەرىنە 5 ميلليون تەڭگە ايىپپۇل سالىندى
«سوت ۇكىمىمەن سوتتالۋشى ايىپتى دەپ تانىلدى، ول تالعار اۋدانى ءبىلىم بەرۋ ءبولىمىنىڭ باس مامانى بوپ جۇمىس ىستەپ ءجۇرىپ، ءوزىنىڭ قىزمەتتىك وكىلەتتىگىنە كىرەتىن ارەكەتى ءۇشىن 100000 تەڭگە كولەمىندە پارا العان. اتاپ ايتقاندا، كامەلەتتىك جاسقا تولماعان قىزدىڭ اناسىن انالىق قۇقىقتان ايىرۋعا جاردەمدەسكەن. بۇدان باسقا، ول ارنايى كوميسسياعا اجەسىنىڭ (پارا بەرۋشى) بالانى اسىراپ الۋى تۋرالى وڭ شەشىم شىعارۋىنا ىقپال ەتۋگە ۋادە بەرگەن»، - دەپ حابارلادى وبلىس سوتتىڭ باسپا ءسوز قىزمەتىنەن.
سوت وعان پارانىڭ ەلۋ ەسە كولەمىندە ايىپپۇل تۇرىندە جازا كەستى جانە ونىڭ مۇلكى تاركىلەنىپ، ول مەملەكەتتىك قىزمەتتە ساياسي، اكىمشىلىك لاۋازىمداردا جۇمىس ىستەۋ قۇقىعىنان ءومىر بويىنا ايىرىلدى.
