الماتىدا 5 جاسار قىزدى ۇرلاپ كەتكەندەر بىرنەشە ساعاتتان سوڭ ۇستالدى
بۇل تۋرالى قالالىق ءى ءى د باسپا ءسوز قىزمەتى حابارلادى.
الماتى وبلىسى قاراساي اۋدانىنىڭ تۇرعىنى قىزىنىڭ جوعالىپ كەتكەندىگى تۋرالى اۋداندىق پوليتسياعا حابار بەرگەن.
«بالانىڭ اناسى مەنىڭ دوسىمنىڭ جاقىن تانىسى بولىپ شىقتى. تەلەفون ارقىلى ونى تىنىشتاندىرۋعا تىرىستىم. بىرنەشە ساعاتتان سوڭ اناسى بوتەن ەر ادامداردىڭ تەلەفون شالىپ، ادام كوپ جەرگە كەزدەسۋگە شاقىرعانىن جەتكىزگەن. مەن ونىڭ ارتىنان باردىم. سول جەردە ەكى ەر ادامدى ۇستاپ، قاراساي اۋداندىق ءى ءى ب- نە جىبەردىك. قىز بالا قىلمىسكەرلەرمەن بىرگە جۇرگەن ەكەن. توڭىپ قالىپتى. وعان دەر كەزىندە مەديتسينالىق كومەك كورسەتىلدى»، - دەدى قالالىق ءى ءى د ەسىرتكى بيزنەسىنە قارسى كۇرەس باسقارماسىنىڭ قىزمەتكەرى، ەلدار ەرعاليەۆ.
قازىر اتالعان وقيعاعا بايلانىستى اۋداندىق پوليتسيادا ق ر ق ك 125-بابى بويىنشا سوتقا دەيىنگى تەرگەۋ ءىسى ءبىرىڭعاي رەەسترىنە تىركەلدى. بۇل وقيعا بويىنشا كۇدىكتى رەتىندە رايسا براگينانىڭ تانىسى ۇستالدى.
«ەڭ ءبىرىنشى كەزەكتە مەن ءوزىمنىڭ ازماتتىق بورىشىمدى وتەۋگە تىرىستىم. بىرنەشە جىلدار جاستار ءىسى جونىندەگى پوليتسيادا قىزمەت ەتتىم. بالالاردىڭ قيىن ساتتە قالاي قينالاتىنى ماعان تانىس»، - دەدى كاپيتان.
اۆتور: گۇلميرا عوسمانالي
