الماتى وبلىسى اۋماعىندا يرريگاتسيا جۇيەسىن قالپىنا كەلتىرۋ ماقساتىندا 5 ميلليارد تەڭگە قاراجات ءبولۋ جوسپارلانۋدا - ا. باتالوۆ
وڭىردىڭ شارۋالارىمەن كەزدەسۋدەگى تاقىرىپ اۋىلشارۋاشىلىق سالاسىنا يننوۆاتسيالىق تەحنولوگيالاردى ەنگىزۋ، اتاپ ايتقاندا تامشىلاپ سۋارۋ جۇيەسىن قولدانۋعا ارنالدى.
العاشىندا ءوڭىر باسشىسى شەڭگەلدى اۋىلىندا ورنالاسقان «بايتەرەك اگرو سەرۆيس» ج ش س ارالاۋمەن باستادى. سەرىكتەستىكتىڭ قاراماعىنداعى اۋىلشارۋاشىلىق ماقساتىنداعى جەرىنىڭ جالپى كولەمى 420 گا قۇرايدى. ونىڭ ىشىندە سۋعارمالى جەر - 240 گا، جايىلىم جەر - 171 گا جانە قالعان 9 گا جەر اۋماعىندا ءارتۇرلى اۋىلشارۋاشىلىق نىساندارى ورنالاسقان. ج ش س وكىلىنىڭ ايتۋىنشا 40 گا جەر تەلىمىنە كارتوپتىڭ گەرمانيالىق «Solana» سۇرىپى، 50 گا جەرگە ءىرى پيازدىڭ وتاندىق «ماناس» سۇرىپى وتىرعىزىلعان. ۇستىمىزدەگى جىلى كاسىپورىنعا 1 ميلليون 915 مىڭ تەڭگە سۋبسيديا بولىنگەن. ج ش س جۇمىسىمەن تانىس بولعان ءوڭىر باسشىسى ا. باتالوۆ تامشىلاپ سۋعارۋ جۇيەسى ەنگىزىلگەن پياز القاپتارىن ارالاپ شىقتى.
كەلەسىدە وبلىس اكىمى ا. باتالوۆ «ۇلتتىق اگروونەركاسىپتىك كومپانياسى» حولدينگىنىڭ قۇرامىنا كىرەتىن ءۇش شارۋا قوجالىعىمەن كەزدەستى. ولار «Nur Agro» اگروفيرماسى» ، «ت ج ن مەن ك» جانە «قانات» جشس. اتالعان جشس ونىمدەرى الماتى قالاسىندا جوعارى سۇرانىسقا يە، سونداي- اق ونىمدەرى رەسەي، تۇركىمەنستان، ءازىربايجان جانە وزبەكستان مەملەكەتتەرىنە ەكسپورتتالۋدا. وبلىس اكىمى شارۋا قوجالىقتارىن ارالاي كەلە وسى قوجالىقتاردا ەنگىزىلگەن تامشىلاپ سۋعارۋ جۇيەسىمەن تانىسىپ، اۋىلشارۋاشىلىق تەحنيكالارى مەن ءونىمدى جيناۋ مەرزىمى باستالعان كارتوپ جانە پياز القاپتارىن كورىپ، شارۋالارمەن كەزدەستى.
جوعارى اتالعان حولدينگ قۇرامىنداعى ج ش س تامشىلاپ سۋعارۋ جۇيەسىنە رەسەيدە جانە يزرايلدە شىعارىلعان قۇرىلعىلار پايدالانىلادى. مۇندا سۋعارۋعا قاجەتتى سۋدى ۇنەمدەپ قانا قويماي ونى ءتيىمدى پايدالانۋ ءۇشىن ارنايى ناسوستار، فيلترلەر مەن وزگە دە سۋ قۇرىلعىلارى پايدالانىلادى، دەپ حابارلادى الماتى وبلىسى اكىمدىگىنىڭ باسپا ءسوز قىزمەتى.
الماتى وبلىسىنىڭ اكىمى كەزدەسۋدى قورىتىندىلاپ: «زامان تالابىنا سايكەس اۋىلشارۋاشىلىق سالاسىندا يننوۆاتسيالىق تەحنولوگيالاردى قولدانۋ - ەڭبەك ونىمدىلىگىن وسىرۋگە جانە ءونىمنىڭ ساپاسىن جاقسارتۋعا سەپتىگىن تيگىزەدى. تامشىلاپ سۋعارۋ جۇيەسىمەن القاپتى سۋعارۋ - ءتيىمدى ءارى ۇنەمدى ءتاسىل ەكەندىگى ءسوزسىز. وبلىس اۋماعىندا يرريگاتسيا جۇيەسىن قالپىنا كەلتىرۋ ماقساتىندا اۋقىمدى ءارى جوسپارلى جۇمىستار اتقارىلۋدا. كەلەسى جىلى بۇل ماقساتقا وبلىستىق بيۋدجەتتىڭ ەسەبىنەن 5 ميلليارد تەڭگە قاراجات ءبولۋ جوسپارلانۋدا. بۇگىن ءبىز كورگەندەي ءىرى شارۋا قوجالىقتارىندا يننوۆاتسيالىق تەحنولوگيالاردىڭ قولدانىلۋى، سول ارقىلى تابيعي رەسۋرستاردىڭ ۇقىپتى پايدالانىلۋى كوزدى قۋانتادى. سونداي- اق وتاندىق نارىقتى ساپالى ازىق- تۇلىكپەن قاماتاماسىز ەتۋگە، ال ارتىعىن ەكسپورتتاۋعا ءوز ۇلەسىن قوسادى. وسىنداي كومپانيالارعا بىزدەر ۇنەمى قولداۋ كورسەتۋگە ءازىرمىز، باستىسى شارۋالاردىڭ جۇمىسى ناتيجەلى ءارى قايتارىمدى بولۋى ءتيىس» ، - دەپ حابارلادى ا. باتالوۆ.
شارۋا قوجالىقتارى ءوز تاراپىنان قاپشاعاي سۋ قويماسىندا سۋ دەڭگەيىن ساقتاپ تۇرۋ ماقساتىنداعى سۋدا قالقىپ تۇراتىن ناسوستاردى ورناتۋعا كورسەتىلگەن مەملەكەتتىك قولداۋعا العىستارىن ءبىلدىردى. سەبەبى ناسوستىڭ ورناتىلۋىنان كەيىن بيىلعى جىلى شارۋالار سۋ تاپشىلىعىن سەزىنگەن جوق.
