قىرعىز- تاجىك شەكاراسىندا ورىن العان قاقتىعىستان 5 ادام زارداپ شەكتى
«الدىن الا دەرەكتەر بويىنشا، 2015 -جىلعى 3 تامىزداعى قىرعىزستان مەن تاجىكستان ازاماتتارى اراسىنداعى قاقتىعىس سالدارىنان قىرعىزستاننىڭ بەس ازاماتى ءتۇرلى دارەجەدەگى دەن جاراقاتىن الدى، سونداي- اق قر ازاماتتارىنىڭ 7 ءۇيى، ءبىر كولىك زاقىمداندى» .
3 تامىزدا وقيعا ورنىنا جينالعان شەكارالىق اۋدان تۇرعىندارى تەك 4 تامىزدا 3:00 شاماسىندا تارادى. 4 تامىزدا 9:00-دە جاعداي تۇراقتالدى.
ەسكە سالساق، 3 تامىزدا قىرعىزستاننىڭ باتكەن وبلىسى باتكەن اۋدانى كوك- تاش اۋىلىنىڭ تۇرعىندارى مەن تاجىكستان ازاماتتارى اراسىندا قاقتىعىس ورىن الدى. شامامەن 120 تاجىكستاندىق پەن 80 قىرعىزستاندىق ءبىر- بىرىنە تاس لاقتىرعان.
ەكى رەسپۋبليكانىڭ شەكارالاس اۋداندارىنىڭ تۇرعىندارى اراسىنداعى جانجال تاجىكستان ازاماتتارى كوك- تاش (قر) تۇرعىندارى زيراتقا كولىكپەن وتەتىن جولدى جاۋىپ تاستاعاننان تۋىندادى. جول تاجىك وتباسىلارى تۇراتىن ماي اۋىلى ارقىلى وتەدى. نارازى بولعان قىرعىزستاندىقتار تاجىكتىڭ چوركۋ اۋىلىنا باراتىن سۋ ارناسىن جاۋىپ تاستادى.
