شىعىس قازاقستاندا 5 ەمحانا باسشىسى جۇمىستان كەتۋى مۇمكىن

بۇل تۋرالى ش ق و دەنساۋلىق ساقتاۋ باسقارماسىنىڭ كەڭەيتىلگەن وتىرىسىندا بەلگىلى بولدى.

ورتالىقتىڭ مالىمەتىنشە، بيىل 2011-2015 -جىلدارعا ارنالعان «سالاماتتى قازاقستان» مەملەكەتتىك باعدارلاماسى ءوز مارەسىنە جەتەدى.

الايدا بۇل ايماقتاعى دەنساۋلىق ساقتاۋ سالاسىندا تۇيتكىلدى ماسەلە كوپ. مىسالى، گلۋبوكوە اۋدانىندا جۇقپالى اۋرۋلاردىڭ تارالۋىنا بايلانىستى جاعداي كۇردەلى. ال تارباعاتاي مەن كۇرشىم اۋدانىندارىندا انا ءولىمى كوبەيىپ كەتكەن.

«اياگوز، كوكپەكتى، شەمونايحا اۋداندارىندا بالا ءولىمىنىڭ كورسەتكىشى ءالى دە تۇسپەي تۇر. جالپى ايماقتا وتكەن جىلدىڭ 6 ايىمەن سالىستىرعاندا بيىلعى جارتى جىلدا انا ءولىمى 67 پايىزعا ارتقان»، - دەيدى ورتالىقتاعىلار.

سونىمەن قاتار، تارباعاتاي، زايسان، كوكپەكتى اۋداندارىندا جۇقپالى دەرتكە قاتىستى جاعداي ۋشىعىپ تۇر. قۇرت اۋرۋىنان ءولىم-ءجىتىم وسكەمەن، گلۋبوكوە، جارما، ۇلان اۋدارىندا جوعارى. وسىعان بايلانىستى، قىزمەتتەرى سىن كوتەرمەگەن 5 اۋداننىڭ باس دارىگەرلەرىنىڭ ءىسى ش ق و دەنساۋلىق ساقتاۋ باسقارماسىنىڭ تارتىپتىك كەڭەسىندە قارالاتىن بولدى، تاعى 7 اۋداننىڭ باس دارىگەرىنە قاتاڭ سوگىس جاريالانۋى مۇمكىن. ەگەر سىن تۇزەلمەسە، ولارعا دا شارا قولدانىلماق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى