مەكتەپتەرگە 5 كۇندىك وقىتۋ ستاندارتتارى ەنگىزىلەدى - ءبىلىم ءمينيسترى

«ءبىز قازاقستان پرەزيدەنتىنىڭ تاپسىرماسىمەن ورتا ءبىلىم بەرۋ مازمۇنىن وزگەرتۋدى باستاپ كەتتىك. جاڭا باعدارلامالار ەنگىزىلەدى. وندا ءبىلىم بەرۋدەن بۇرىن، وقۋشىلارعا قاجەتتى ماشىق پەن داعدىلاردى قالىپتاستىرۋعا ۇلكەن ءمان بەرىلەدى. بۇگىندە ءبىز 30 مەكتەپتى تاڭداپ الدىق، قىركۇيەكتەن باستاپ سول جۇيەنى سولارعا تاجىريبە رەتىندە ەنگىزەمىز. كەلەسى جىلى 1 - سىنىپتان باستاپ، بارلىق مەكتەپتەرگە تاراتاتىن بولامىز»، - دەپ اتاپ ءوتتى مينيستر.

ونىڭ ايتۋىنشا، جاڭا ستاندارتتار بالانىڭ وقۋعا ءتيىستى باعدارلاماسىن اۋىرلاتپايدى.

 «وقۋشىلاردىڭ وقۋ كولەمىنىڭ تىم ارتىپ كەتكەندىگىنە قاتىستى پىكىرگە كەلەتىن بولساق، اۋىرتپالىق وزگەرمەيدى. وقۋ باعدارلاماسى ودان ءارى اۋىرلامايدى. جاڭا ستاندارت بويىنشا ءبىز 5 كۇندىك وقۋ جۇيەسىن قاراستىرىپ وتىرمىز. مەكتەپتەردىڭ باسىم بولىگىندە 5 كۇندىك وقۋ بولادى. وقۋشىلار تىم كوپ جانە ءۇش اۋىسىمدا وقىتاتىن مەكتەپتەردە 6 كۇندىك وقىتۋ ءالى ساقتالا بەرمەك. ءبىراق ولاردىڭ سانى بىرەن- ساران»، - دەدى ا. ءسارىنجىپوۆ.

 اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى