بيىل قىتايلىق ليانيۋنگان پورتىنان اپتا سايىن قازاقستانعا 5 كونتەينەرلىك پويىزدار جىبەرىلەدى

بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا  «KTZ Express»  ا ق پرەزيدەنتى سانجار ەلۋبايەۆ ءمالىم ەتتى.

«ليانيۋنگان قالاسى پورتىنداعى قازاقستاندىق- قىتايلىق تەرمينال قىسقا مەرزىمدە (2014 -جىلدىڭ مامىرىنان) 20 فۋتتىق ەكۆيۆالەنتتىڭ 65 مىڭ كونتەينەرىن وڭدەدى. تەمىر جول ىسكە قوسىلعالى 130 مىڭ جۇك تاسىمالداندى. ءبىز «ليانيۋنگان- الماتى» (2015 -جىلدىڭ اقپانى) جانە «ليانيۋنگان- تاشكەنت» كونتەينەرلىك پويىزىن ىسكە قوستىق. 2015 - جىلدىڭ ەكىنشى جارتىسىنان باستاپ ءبىزدىڭ تەرمينالدان اتالعان باعىتتار بويىنشا اپتاسىنا 5 كونتەينەرلىك پويىزدار باعىتتالاتىن بولادى»، - دەدى س. ەلۋبايەۆ.

جۇك ۆاگوندارى كونتەينەرلەر تيەۋگە ارنايى بەيىمدەلىپ جاسالعان. ونىمەن قىتايعا وڭتۇستىك- شىعىس ازيا ەلدەرىنەن تەڭىزبەن كەلگەن جۇكتەر ەندى قازاقستان ارقىلى ورتالىق ازيا، رەسەي جانە ەۋروپاعا جەتكىزىلەتىن بولادى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى