قازاقستانداعى ەڭ الىپ جىلاننىڭ ۇزىندىعى 5 مەترگە جۋىقتادى - فوتو
«ءبىزدىڭ زووباقتا 2003-جىلى جىلاننىڭ بالاسى جۇمىرتقاسىن جارىپ شىقتى. 10 سانتيمەترلىك بۇل تورلى پيتوندى ەكزوتاريۋمنىڭ قىزمەتكەرلەرى ءوزارا «قىز بالا» دەپ اتادى. سول جىلان مىنە 12 جىلدان كەيىن مىناداي قۇبىجىققا اينالدى. بۇل حايۋاناتتار باعى تاريحىندا بۇرىن-سوڭدى بولماعان وقيعا. قازىر وعان باسقا دا زووباقتار قىزىعۋشىلىق تانىتىپ وتىر. سوندىقتان ءبىز ونىڭ ۇزىندىعىن ءدال ولشەپ كورۋدى ۇيعاردىق. ويتكەنى بۇعان دەيىن تەك جاي كوزبەن عانا شامالاپ كەلگەن بولاتىنبىز»، - دەدى ا. گۋرنيەۆ.
ونىڭ ايتۋىنشا، مۇنداي الىپ جىلاننىڭ ۇزىندىعىن ولشەۋ وتە قيىن. بىرىنشىدەن وتە قاۋىپتى: مۇنداي جىلان ءوزىن قورعاۋ ءۇشىن ەشتەڭەدەن تايىنبايدى، ەكىنشىدەن ونى سوزۋ ءتىپتى مۇمكىن ەمەس دەسە دە بولادى.
«ەڭ الدىمەن ونى ۆولەردەن شىعارۋ ءۇشىن جاقسىلاپ قورەكتەندىردىك. قورەگىن قىلعىتىپ بولعان سوڭ، ول جۋاسىپ سالا بەردى. ءسويتىپ، ەرىكسىز ءوزىن ولشەتۋگە مۇمكىندىك بەردى. الدىمەن ونى كادىمگى جىپپەن ولشەدىك. ويتكەنى جىلان سوزىلىپ جاتقىسى كەلمەي قويدى. ءبىراق، قينالساق تا دۇرىس ولشەپ شىقتىق. سونىمەن ۇزىندىعى 4 مەتر 79 سانتيمەتردى قۇرادى. بۇل ءبىزدى قايران قالدىردى.
بۇل قازاقستانداعى ەڭ ۇزىن جىلان. نەگىزى تورلى پيتوندار ءومىر بويى وسەدى عوي. قازىر ءبىرقاتار ەلدەردىڭ زووباقتارى ءبىزدىڭ جىلانعا قىزىعۋشىلىق تانىتا باستادى. ءبىراق ءبىز ونىڭ وسى جەردە قالعانىن قالايمىز. مۇنداي كولەمدەگى جىلاندى ءوسىرۋ - بۇل ۇلكەن جەتىستىك»، - دەدى ەكزوتاريۋمنىڭ مەڭگەرۋشىسى.
