سپورت: ەركىن كۇرەستەن قىزىلوردالىق پالۋاندار 5 جۇلدە ولجالادى

بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتىنەن حابارلادى.

 اتالعان باسەكەدە ايەلدەر كۇرەسىنەن وبلىستىڭ اعا جاتتىقتىرۋشىسى جاندوس بورىبەكوۆ پەن ەركىن كۇرەستەن جاسوسپىرىمدەر اراسىنداعى اعا جاتتىقتىرۋشى سەرىك ابدىماۋلەنوۆ جەتەكشىلىك جاساعان قىزىلوردالىق سپورتشىلار وبلىس ءۇمىتىن اقتاپ، جۇلدەلى ورالدى.

ولار تارتىسقا تولى ەل چەمپيوناتىندا ءبىر التىن، ءبىر كۇمىس، ءۇش قولا مەدالعا قول جەتكىزدى.

اتاپ ايتساق، №1 وبلىستىق وليمپيادالىق رەزەرۆتىڭ مامانداندىرىلعان بالالار- جاسوسپىرىمدەر مەكتەبىنىڭ سپورتشىلارى اسىلزات ساعىمباي (40 كەلى) ەل چەمپيونى اتانسا، زينا قىستاۋبايەۆا (43 كەلى) كۇمىس جۇلدەنى يەلەندى. ارالدىق جاننۇر جاڭابايەۆا (43 كەلى) مەن ايمان نۇرجاۋباي (65 كەلى) قولا جۇلدەنى ەنشىلەدى.

 ال ۇلدار اراسىندا سىنعا تۇسكەن اسقار مەدينە 76 كەلى سالماقتا ءۇشىنشى ورىنعا يە بولدى.

قازاقستان چەمپيونى اتانعان اسىلزات ساعىمباي ۇستىمىزدەگى جىلدىڭ مامىر ايىندا ءۇندى ەلىندە وتەتىن ازيا چەمپيوناتىنا قاتىسادى.

 اۆتور: ەلۋباي اۋەزوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى